Ticker

10/recent/ticker-posts

Mizoram hna lakah a ram leilungfa duhsak hmasa turin MZP in thuneitute ngen

Aizawl | Nov 5, 2022: MZP chuan, Mizoram hna lakah a ram leilungfa duhsak hmasa turin thuneitute an ngen.

He thu hi Nimin Nov 4 chhun dar 12 khan MZP General Headquarters Executive Meeting vawi 615-na chu MZP Conference Hall-ah neiin an ngaihtuah a, MPSC leh MSSSB hnuaia hnalak chungchang leh Appointed Secretary ruat chungchang te an rel a ni. Meeting hi Pu Lalnunmawia Pautu President-in a kaihruai.


Meeting chuan tun hnaia Mizoram Public Service Commission (MPSC) leh Mizoram Subordinate Services Selection Board (MSSSB) hnuaia hna hrang hrang lakah hnam dang hming a lang zeuh zeuh chu a la thutakin, pawi a ti hle a. Heng Mizoram chhunga hnathawk tur hrang hrang lakah hian a ram leilungfa zingah tling leh tlak an awm chuan duhsak hmasa ngei turin thuneitute a phut a ni.


Meeting chuan MZP General Headquarters hnuaia Appointed Secretary atan heng mite hi a ruat:-
1. F. Lalduhkima, Secretary i/c Education
2. Nangsawmthanga, Secretary i/c Social & Culture
3. R. Lalkhawngaiha, Secretary i/c Organisation
4. Lalentlinga, Secretary i/c Information
5. H. Lalthuthlunga, Zate Secretary i/c Publicity
6. F. Lalmuanpuia, Secretary i/c External
7. C. Lalhmingsanga, Secretary i/c Environment & Sanitation
8. Zairemthanga, Secretary i/c Establishment
9. PS. Muana, Secretary i/c Sports & Adventure
10. Golden Lalnunhlima, Secretary i/c Property & Library
11. David Lalromawia, Editor, MZP Chanchinbu


MZP chuan kum tina a tih thin angin, Mizo zirlaite tan MZP Inter High School Quiz 2022 chu ni 28th November, 2022 hian neih leh a tum bawk.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments