Ticker

10/recent/ticker-posts

GIG Motors MVA Cup 2022 Nov 7 atangin tan dawn

Aizawl | Nov 4, 2022: Mizoram Volleyball Association chuan ni 7-12.11.22 hian Khawzawl District Volleyball Court, Khawzawl-ah GIG Motors MVA CUP 2022 a buatsaih dawn.


GIG Motors MVA CUP 2022 hi MVA Pro Division Club te inelna tur ani a, Pro Division Club Mipa leh hmeichhiate Team-te kalna leh hawna senso hi MVA Chuan a tumsak vek dawn a ni.

GIG Motors MVA CUP 2022 hi MVA Pro Division club Tournament Aizawl khaw pawna neih hmasak ber tur a nih avangin a thlengtu tur Khawzawl District Volleyball Association leh Khawzawl mipuite pawh an phur tawh hle ani   Tin, Pro Division Club leh Player te pawh an phurin an inbuatsaih ngawrh hle a, Volleyball Tournament hlung tak anih a beisei awm ani.



Pro Division Club te hi mikhual chunga ţhat chhuah ţhin khua, Khawzawl khawpui chhung YMA  Branch hrang hrang ten an lo mikhual dawn a, an Branch YMA Team ang chiah a lo ţan leh lo enkawl an tum thu Branch YMA hruaitu hrang hrangte hnen atanga dawn a ni.

Infiamna bung thar
GIG Motors MVA CUP 2022 a inkhel zawng zawng hi LPS ah Live Telecast vek tura ruahman ani a. Live Telecast tur hian LPS Managing Director Pu Lalsawmliana Pachuau leh MVA Hruaitute pawh an inbe fel tawh a ni.

GIG Motors MVA CUP 2022 hi Aizawl khawpui pawn a Tournament awm, a vaia Cable TV a Live Telecast vek hmasa ber tur ani dawn a, hetianga Mizoram infiamna in ngaihhlut leh ngaihpawimawh a hlawh a, bung thar hial an kai theih nana puitu LPS Vision te chungah MVA chuan lawmthu a sawi a ni.

GIG Motors MVA CUP 2022 hi ni 7.11.2022 zanah Dr Lalmalsawma Nghaka (President MVA) an a Spike Off dawn a, ni 12.11.2022 zanah Final khelh a ni ang.







(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments