Ticker

10/recent/ticker-posts

Council of Minister thukhawmin Home department hnuaia Border Management Cell siam rawtna pawm; B'Desh atanga sahimna zawngte tuamhlawm zui zel tum!

Aizawl | Nov 22, 2022: Chief Minister Pu Zoramthanga hovin vawiin khan CM Cabinet Meeting room-ah Cabinet Meeting neih a ni.


Minister thukhawm hian tunhnaia Bangladesh atanga sahimna zawnga Mizorama rawn raltlan, Parva a awm mekte chu an lainat thu sawiin, an theih ang anga lo tuamhlawm zui zel ni se an ti a ni.


Vawiin meeting hian sawrkar department hrang hrang atanga thu pawimawh thlente ngaihtuah a ni a. Home Department hnuaia Border Management Cell siam leh, a tul anga post siam rawtna lut chu a thuphunga pawm a ni a. Constable 118 chu Honorary Promotion a Head Constable a kaisan tura rawtna lut chu pawm a ni bawk.

P&E Department in Mizoram Energy Conservation Building Code Rules, 2022 rawtna an thehluh pawh pawm a ni.


Sinlung Hills Council chungchang rawtna hrang hrang - The members of the Sinlung Hills Council (Disqualification on Ground of Defection) Rules, 2022 te, The Sinlung Hills Council (Amendment) Bill, 2022 leh The Mizoram (Election to Sinlung Hills Council) (Amendment) Rules, 2022 chu pawm a ni bawk.

Mizoram Code on Wages Rules, 2022 atana LESDE in draft proposal an chhawp te, Art & Culture Department in Mizoram Ancient Monuments and Archaeological Sites and Remains Bill, 2022 siamthatna (amendment) tur an chhawp te, Law & Judicial Department atanga Commerce & Industries ram leh buiding chu Lunglei District Court Building sakna leh zauhna atana pek rawtna leh, Land Revenue & Settlement Department atanga The Indian Stamp (Mizoram Amendment) Bill, 2022 lut te chu pawm an ni bawk.


UD&PA in Mizoram Municipalties (Facilities to Mayor, Deputy Mayor, Chairman, Vice Chairman and Councillors) Rules, 2018 siamtha (amend) tura rawtna an siam te, The draft Mizoram Prohibition of Employment as Manual Scavengers and their Rehabilitation Rules, 2022 leh Proposal for transfer of functions to Lunglei Municipal Council te chu pawm a ni a. Kum June ni 10, 2019-a Council of Minister thukhawm in Champhai CHANEM building Law & Judicial Department kuta a lo dah tawh sut tura rawtna siam chu a thuphunga pawm a ni bawk.








(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments