Ticker

10/recent/ticker-posts

Autonomous District Council rorelna mumal lo mipuiten an tuar – ZPM

Aizawl | Nov 16, 2022: ZPM chuan thuchhuah siamin, "Autonomous District Council rorelna mumal lo mipuiten an tuar," an ti.

ZPM thuchhuah chuan, MNF sawrkarna Chakma Autonomous District Council (CADC) chu Chief Executive Member (CEM) thlak boruak avangin tun term kallai atana a vawi ruk nan mumal lo takin a awm a. Hetiang bawk hian MNF sawrkarna vek Lai Autonomous District Council (LADC)-ah pawh MNF sawrkar lai mek chu MNF vek Member of District Council (MDC)-ten an paihthla tawh bawk. ADC sawrkarna leh Chief Executive Member (CEM) inthlak sek hi ADC inrelbawlna leh a huamchhung mipuiten an tuar hle a, hetianga ADC inrelbawlna mumal lo taka a awm ṭhin hi ZPM chuan pawi a ti hle, an ti.



ZPM chuan, Tuna ADC sawrkarna siam mek MNF member-te hi Hnam Run pawhin thunun tumna leh, zahthlak taka ADC rorelna khawl buk tawn reng tihtawp tuma hmalakna a nei lovin a lang," an ti a, "Lalna leh thuneihna ringawt atchilh hi mipui leh ram hmasawn na in a tuar a, hetianga ADC rorelna kalpui ṭhin party hi eng level-ah mah rorelna chelh tlak an ni lo tih mipuiten hre reng turin ZPM chuan a chah a ni." tiin thuchhuah chuan a tarlang bawk.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)




Post i hmuh dan

Post a Comment

0 Comments