Ticker

10/recent/ticker-posts

ZPM Ṭhalaiin Thosi kap turin sawrkar ngen

Aizawl | October 5, 2022: Dengue hri leng mek karah ZPM ṭhalai chuan mipui him zawk nan thosi kap turin sawrkar an ngen.

ZPM Ṭhalai chuan thuchhuah siamin, Tun hnaiah Mizoram hmun hrang hrangah dengue natna lêngin, mi tam takin hri kaiin mipui an mangang hle a, kan inenkawlna hmanrua leh hmunhma ah kan la pachhiat êm avângin hei aia nasa zawk hian dengue hri hi a lêng ang tih a hlauhawm takzet a ni." an tia.


"Dengue hri avânga mipuiin harsatna an tawh mêk laia hri lêng mêk chhut chahna tura hmalâkna lian tham sawrkâr aṭanga a la awm lo chu hriatthiam har kan ti a. Hri lêng mêk tihtawp a nih thuai  theihna turin Mizoram hmun hrang hrangah thosi kah run pui nei thuai turin Mizoram sawrkâr kan ngen a; PHC leh Health Sub Centre-te thawktu leh damdawi hmanga thuam changtlung deuh deuh turin MNF kaihhruai Mizoram sawrkâr kan ngen a ni." tiin an thuchhuah chuan a tarlang.

Post i hmuh dan

Post a Comment

0 Comments