Aizawl | Oct 31, 2022: Union Minister of State Shri Kailash Choudhary chuan College of Veterinary Sciences & Animal Husbandry, Selesih a Multi Technology Testing Centre (MTTC) leh Vocational Training Centre (VTC) a hawng.
Vawiin chawhnu khan Shri Kailash Choudhary, Union Minister of State for Agriculture and Farmers’ Welfare, Government of India chuan College of Veterinary Sciences & Animal Husbandry (CVSc & AH), Central Agricultural University (CAU) a Multi Technology Testing Centre (MTTC) leh Vocational Training Centre (VTC) kum 2022 a cheng 4.28 crore sum seng a sak zawh hlim chu a hawng a, Union Minister of State hi Minister Pu C. Lalrinsanga leh Dr. K. Beichhua te bakah Aizawl North I MLA Pu Vanlalhlana ten an tawiawm a ni.
Shri Kailash Choudhary, Union Minister of State for Agriculture and Farmers’ Welfare hian MTTC leh VTC building a tlawh zawh hian College of Veterinary Sciences & Animal Husbandry Community Hall a exhibition an buatsaih chu tlawh nghal in loneitute leh ran vulhtute nen in biak pawhna (Farmers Scientist Interaction) hun hlawk thlak tak an hmang bawk a, he hunah hian loneitute hian an harsatna hrang hrang te an lo thlen a ni.
Khuallian Shri Kailash Choudhary chuan Auditorium-ah thusawiin kut hnathawka eizawngte hmasawn nana lokal a nih thu a sawi a, Mizoram-ah loneitu, kut hnathawk a eizawngte hmasawnna rahbi atan Farmers' Producer Organization (FPO) din a pawimawh thu a sawi a, central sawrkar chuan FPO ten hamthatna an neihnan schemes hrang hrang a nei a ni a ti a. Pradhan Mantri Kissan Nidhi Yojana hnuaia loneituten hamthatna an dawn theihnan hma a lak nghal tur thu sawiin, Mizoram chu thla hnih hnuah lo tlawh leh a tum thu a tarlang bawk a.
Khuallian hian Handbook of Diseases of Dogs leh Activity Calendar for Animal Husbandry Practices te bakah Training Manual, Practical Handbook on Advanced Veterinary Sciences a tlangzarh nghal bawk a ni.
Minister Pu C. Lalrinsanga pawhin thusawina hun tawi hmangin, College of Veterinary Sciences & Animal Husbandry chu zirna sang zirna Mizoram tana tangkai khuarel chhiatna hrileng ah te, Covid-19 len lai pawh a institution pawimawh tak niin, zirlai chhuakte pawh tangkai takin ranvulh tute tana thawk zelin leh Mizoram pawhin hma a sawn theihnana an theih anga ke pen thin te an ni a ti bawk a ni.
He hun hi Dr. Lalnuntluangi Hmar, Dean College of Veterinary Sciences & Animal Husbandry, CAU, Selesih chuan lawmthusawiin a khar a ni.
MTTC leh VTC hi kum 2019 a sak tan niin, 2022 khan sak zawh a ni a, he MTTC leh VTC bakah hian Sangha dil leh Ran in sak tel a ni bawk a. MTTC leh VTC hi loneitute leh ran vulhtute tana hlawk zawka hman tur a buatsaih a ni a. Agricultural hnuaia thlaite, ser huan, sangha dilte leh a kaihhnawih thil chi hrang hrangte, hlawk zawka ran vulh, sa leh bawnghnute te sawngbawl dan leh sa leh bawnghnute atanga eitur thianghlim leh hrisel tak takte siam inzirtirna tur hmunpui (training, workshop leh a dangte) atan ruahman leh buatsaih a ni. He MTTC leh VTC fel fai tak leh tluang taka kalpui a nih theih nan hian staff 4 leh puibawmtu (assistant) 2 te dah tel a ni bawk.
Nimin 30th October, 2022 kha College of Veterinary Science & Animal Husbandary (CVSc & AH), Central Agricultural University, Selesih din Champha 24th College Foundation day a nih angin MTTC leh VTC hawnna inkhawm zawhah hian an College Auditorium ah he an college din champha hi an Vice Chancellor Dr. Anupam Mishtra in a hmanpui bawk a ni.
College of Veterinary Science & Animal Husbandary (CVSc & AH), Central Agricultural University, Selesih hi kum 1998 atang khan BVSc and AH class hi neih tan niin tun ah hian BVSc & AH, MVSc leh Ph.D zirna te a awm mek a ni. College hian Teaching Departments 17 (Teaching Veterinary Clinical Complex (TVCC) leh Instruction Livestock Farm (ILFC) tel in a nei a, Zirtirtu (Faculty) hi 50 chuang leh Zirlai 400 chuang an awm mek a, non teaching staff thahnem tawk tak an thawk mek bawk.
College of Veterinary Science & Animal Husbandary (CVSc & AH), Central Agricultural University, Selesih hian zirtir hna bak ah, extension hna te, ran vulhtute tan training hrang hrang leh research hrang hrang te a kal pui mek bawk a ni. Teaching Veterinary Clinical Complex (TVCC) ah hian ran entir na tangkai tak engtik lai pawhin an hawng reng bawk a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: