Aizawl | Oct 29, 2022: Vawiin tlai thim hma deuh khan Tuirial Air Field peng thlang kawngpuiah Tank Lorry petrol phur a tlu a, petrol bua dawh an awm mek laiin tank lorry hi a kang/puak a, Tuirial mi nia hriat mi 5 an thi a, mi 5 na tak tak an awm a, hliamte hi damdawi in panpui an ni.
Mitthi te hi an kang chhe hneh em em a, tute nge an nih hriat hleih theih a ni rih lo.
Kangmei hi thelh a harsa hle a, rei tak chhung thelh tuma beih a nih hnuin chanchin buatsaih lai hian thelh mih tawh niin thu dawn a ni.
Tanker kangah ruang 5 hlawm tawh
The Zoram Voice in a tarlan danin, Tanker kang hi thelh mih a ni tawh a, tun dinhmunah ruang 5 hlawm a ni tawh a, heng ruang te hi tute nge tih hriat erawh a harsa hle niin kan thudawnna chuan a sawi.
Ruang pakhat erawh chu uluk taka enfiah chuan tunge a nih a hriat theih mai an beisei thu an sawi a. Ruang 4 erawh Forensic lam lo chuan an hriat mai theih an rin loh thu an sawi.
Heng ruang te hi Tuirial branch YMA leh Airfield branch YMA te inbe rawnin Tuirial lamah lak thlak phawt nise, an ti a. Kuang te siamin Tuirial branch YMA hian an buaipui zui dawn ni a thudawn a ni bawk.
Tanker bakah hian Taxi-1, two wheeler 3 leh chenna In pakhat a kang bawk niin The Zoram Voice chuan thu a dawng a. Ruang an hlawm tak zingah hian mikhual veivak, Phaibawkkawn lam pawh an tel palh mai theih thu dawn a ni a, mahse, hei hi finfiah erawh a la ni lo thung.
Kangmei chhuah dan tak hi hriat a nilo a, thudawnna pakhat chuan Tanker chesuala petrol buai hi a dawh/thal pawl an awm a, khua a thim zui deuh mai bawk si nen, an zingah lighter lo talh mai an awm a ni thei mai ang em, tiin an rinthu an sawi a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
A ṭha ka tih rualin duh ai a kimchang loh deuh ṭhin bakah pic leh video hi awm tel ngei ngei theih se
ReplyDeletePost a Comment
He post chungchanga i ngaihdan lo sawi ve rawh: