Ticker

10/recent/ticker-posts

Mizo Idol 2022 T Vanlalhmangaihi kan belchiang!

Mizo Idol 2022 T Vanlalhmangaihi kan belchiang!


Mizo Idol 2022 T Vanlalhmangaihi hi Vanlalliana leh Lalmalsawmi te fanu niin, Nov 9, 2000 khan a lo piang a. Hunthar Veng, Aizawl-ah chengin an khawsa a, Salvation Army kohhran a lawi an ni.

Hmangaihi te hi unau pahnih niin, nau mipa pakhat a nei a ni.

Hmangaihi hi ft 5 a sang a ni!


Hmangaihi hian zirna lamah chuan Neuhof English Medium School aṭangin pawl 10 pass a, Pawl 12 hi Govt Mizo Higher Secondary School aṭangin a pass leh a, B.A hi Govt Hrangbana College aṭangin a zova, tunah hian MZU-ah M.A PScychology 1st sem a zir mek a ni.



Hmangaihi 'n EXPLORE MIZORAM zawhna a chhanna te:

Zai lam i tui tan dan:
-  Ka tui tan dan hi ka chiang chiah lo mahse, zai hi chu ka zai nasa thei lutuk biak ina zai tura min ruat tan hma pawh khan mic te nen hian kan inah ka zai ka zai zel.

Music video tihchhuah i nei tawh em?
Music video hi BESY Choir nen khan a ni a, chuan, HBC music video a ni leh a, mimal erawhin ka la nei lo.

Rimawi hmanrua i tum thiamte:
Thiam em em ka nei lo, mahse, tawtawrawt ka ham thin - Hunthar Corps Brass Band-ah ka tel a, zir chu ka duh, ka la zir ang. Ukulele tlem a zawng ka tum thiam bawk.



A duhzawng leh ngainat zawngte:
• Rawng: Grey
• Chawhmeh: Alu
• Incheina: Simple deuh deuh.
• Rimawi: Eng hla genre pawh ka ngaina.
• Mizo ziaktu zingah: Lehkhabu hi ka chhiar tam vakloa mahse, Pu Mafaa Hauhnar hi chu ka ngaina ve.
• Hla phuahtu: C. Lalzarmawia


Mize ngainat zawng:
~ Mi positive, active tak leh humble deuh a ni mai.


Mize ngainat loh zawng:
~ Mi ti cheng cheng, mannerless deuh leh over confi ho!

Relationship Status: Single


Kawppui atana i duhzawng:
~ Mi polite tak leh fel tak leh gentleman tak, ruihtheihthil ti lo, fate duat over tur, Pathian tih mi leh keimah aia sang😆!!


Mizo Idol-ah hian tel i tum thin hrim hrim em?
Ka tum ngai em em loa mahse tun tum lockdown lo thlen khan ka inngaihtuah nasa ve thei lutuka ti ringawta ka talent hi a ral mai ka hlau a, tichuan, idol emaw Icon a awm hmasa sa ah ka tel ang ka tia idol-ah hian ka lo tel ta a ni.

Mizo Idol 2022 atana thlan i nih hi i ring reng em?
~ Mizo Idol ka nih hi ka ring pha ngai lo hrim hrim.

Mizo Idol 2022 i ni tih i hriata i rilru a awm?
Rilru mumal pawh ka pu hman lo - Ka tah a chhuak sia ka tap thei si loa a hrehawm tawp. Keimah kha ka rilru a buai vek. Ka lawm lutuk leh nih ka inringlo lutuk kha ka rilru a buai a ni ber mai.


Mizo Idol 2022 I nun a nghawng dan:
Kan han idol tak hnu hi chuan mi lo fel zia te ka hriatchian phah a, dawhtheih a ngaihzia leh rilru zau put a lo ngaih zia leh a hahthlak zia hi a chiang a. Taksa lam mai nilo rilru lam thlenga fit hi a lo pawimawh em em bawk a. Pathian tih hi a pawimawh em em bawk a ni.


ZONET in Mizo Idol 2022 an buatsaih thin hi:
Zonet in idol an buatsaih thin hi a tha ka ti em em a. A chhan chu thalai tamtak talent tha tak tak nei ten an thiamna leh theihna phochhuahna hmun a ni a tiang platform tha ang hichu chu a hmang thiam thiam tan vanneihna ka ti. Zonet lam pawn an la buatsaih chhunzawm ngei ka beisei.



Zawhna dang:
1. A tel lova i awm theih loh:
~ Ka chhungte leh ka thiante


2. I nun kaihruaitu:
~ Ka chhungte.


3. Hringnuna i hlauh ber:
~ Mahnia awm.


4. I tih ngai miah loh tur:
~ Mi phatsan.


5. Mizo Tualzal nuna ṭha i tih:
~ Kan tlawmngaihna leh aia upa kan zahna hi a ṭha ka ti.


6.  Quote i duh ber:
~ ”The future belongs to those who believe in the beauty of their dreams." Eleanor roosevelt


7. Hnam hmingṭhat leh hmingchhiat kawngah Hmeichhiate'n mawhphurhna:
~ Khawi hmunah emaw eng hmunah pawh awm se, zahawmtak leh hawihawm taka awm dan a zirin hnam chu a hmingthain a hming chhe thei ka ti.


8. Hnam ziarang chawinun kawnga Hmeichhiate mawhphurna:
~ Hawihhawm tak leh zawhawm taka awm a ni mai.

9. Mizote tan 'Fa neih tlem' inzirtir hi a ṭulin i hria em? ~ Mihring kan inang loa, mahse, duat tak leh hmangaih taka kan enkawl theih loh chuan neih tam em em hi tul ka ti lo.


10. Khawtlang, Kohhran leh nangmah:
~ Khawtlang leh kohhrana inhman hi a tha ka tia. Mahse, zirlai a tihbuai dawn chuan inhman hma em em pawh tul ka ti lo. Kei pawh college ka zawh hnuah bak ka inhmang em em lo, ka inhmang deuh tho a mahse, college zawh hnuah hian ka inhmang nasa zual.


11. Social Media leh Nangmah:
~ Social media hi ka khawih nasa ve thawkhat tawp mahse, tunlai tak hi chu ka buai ve deuh hleka ka khawih nasa em em hman lo.



12. Mizoram ṭhalai tam tak tlakchham:
~ Dawhtheihna leh taimakna kan tlachhamin ka hria.



13. Mizo ṭhalaite hian ngaihsan tur dik an ngaisangin i hria em?
~ Kan mi ngaihsan hi a inang loa, mahse, tu pawh ngaisang ila an mahniah a ṭha lam kan lak tel theih chuan ngaihsan tur dik an ngaihsangah ka ngai.



14. Ngaihsan tur dik nia i hriat:
~ An mahni nun a a tha lam entirnan an thawhrimna te leh an nun dan tha te an lak theih chuan ngaihsan tur dik an ngaisang a ni mai.


15. Hlawhtlinna tura pawimawh:
~ Teirei peih!


16. I nuna hloh i hlauh ber:
~  Ka Hmangaihte


17. Zofate inpumkhatna hi a tak a thlen theih i ring em?
~ He lamah hi chuan Mimal tinte hi kan pawimawh ka ti. Kan inthurual chuan kan inpumkhat thei em em ang.


18. Hnam dang nupui pasal neih hi - 
~ Pawi ka ti em em lo. "Kan hmangaih tak te an nih chuan, tupawh kan nei thiang a lawm," ka ti kei chuan.



19. Nupui pasal neih hmaa mipat hmeichhiatna hman hi?
~ A theih hram chuan nupui pasal neih hmaa hman loh hi atha ka ti. A hlu bawk ka ti.


Thalaipuite hnena chah duh:
~ Kan thil tih apiang te taima takin ti ila beidawng mai mai lo ila, rilru nget tak pu chungin leh, hawihawm takin nun hmang ila, a teirei peih peih an dingchang a ni tih hre reng chungin leh Pathian tih tlat chungin kan nun hi kan hmang ṭheuh dawn nia.



EXPLOREMIZORAM.COM i hmuh dan:
EXPLORE MIZORAM hi Mizote tan chuan a hlu a. Hnam dang ten kan Mizo culture leh heritage  an lo hriatchian theihna hmun pakhat leh promote tu pawimawh em em a ni bawk. Chanchinthar leh thil pawimawh tam tak min hriattir bawk a, ṭhalaite promote-tu ṭha tak a ni bawk.
Explore mizoram kal tlang hian thil tam tak zir tur leh hriattur kan ngah em em, ka thalaipuite Explore mizoram hi lo follow a, lo explore ve turin ka sawm a che u.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)



Post i hmuh dan

Post a Comment

0 Comments