Status-Quo zah zo loa, Assam sorkar an rawn che leh ṭhin hi Mizoram sorkar leh Mizo mipui zah lohnaah kan ngai - MZP

Darzo | Oct 3, 2022: MZP chuan October ni 2, 2022-a Assam sawrkarin Bairabi Zophaia Status Quo huam chhungah In pahnih a rawn sa hi a hrethiam lo hle a, "engti kawng zawng maha pawm theihah kan ngai lo." an ti!

MZP chuan he thil thleng hi a hriat velah a hmun panin, an enfiah nghal a. He In an rawn sak hi ṭhiat nghal turin Assam sawrkar a phut a. An hmalakna ngun taka thlithlai a nih hnu, vawiin chhun dar 12:30 khan Assam sawrkar chuan Zophaia an In sak pahnih chu an ṭhiat zui ve ta a ni.





"State pahnih ten ramri chungchanga buaina an neihte dawhkan kila sawi fel tuma inbiakna kalpui a nih mek lai a, state pahnih ten kutthlak lo tura an tihna Status-Quo zah zo loa, Assam sorkar an rawn che leh ṭhin hi Mizoram sorkar leh Mizo mipui zah lohnaah kan ngai a, ti tawh lo turin kan duh a. Tun hnuah hetiang thil a thleng leh a nih chuan, mipuite chet hmaa, na tak leh a rang thei ang bera chhâng let nghal zel turin Mizoram sorkar pawh kan phût nghal a, MZP pawhin a lo tih ṭhin angin, chet zel a tum dawn a ni." tiin MZP chuan an thuchhuah ah an tarlang.

MZP chuan, "Mizoram sorkar-in he thil thlengah chak taka hmala nghalin, force lamte a hmunah a dah nghal hi Mizoram Chief Minister Pu Zoramthanga chungah lawmthu kan sawi a. A tul apianga hmalatu Bairabi khawtlang mipuite hmalakna pawh fakawm kan ti hle a. Ramria Assam chet dan uluk taka vil zui zel turin Mizoram sawrkar kan ngen nghal bawk." an ti bawk.

Assam lamin an In sak an ṭhiah tâk avangin, MZP President Pu Lalnunmawia Pautu leh hruaitu dangte chuan Zophai an chhuahsan nghal a. Hetianga hmalakna ṭha lo tak hi ngun takin a vil zui zel an tum a ni.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)


Post a Comment

He post chungchanga i ngaihdan lo sawi ve rawh:

Previous Post Next Post