Ticker

10/recent/ticker-posts

Praise On 2022 | Mi 159 in elimination round paltlang

Aizawl | Oct 8, 2022: Mizorama zai intihsiakna ngaih hlut hlawh Mizoram Presbyterian Kohhran hnuaia Kristian Thalai Pawl (KTP) Branch  malzai intihsiakna 'Praise on Solo Competition 2022' chu neih mek a ni a, mi 159-in elimination round an paltlang a, kar thar lamah intihsiakna neih chhunzawm a ni dawn.


Synod Information and Publicity department (Synfo) leh Central Kristian Thalai Pawl thawk dun buatsaih 'Praise On 2022' elimination round chu September ni 26 atanga Cotober ni 6 chhung khan Mizoram hmun hrang hrangah neih a ni.

Aizawl pawn khaw 5 - Kolasib, Lunglei, Mamit, Serchhip leh Champhaiah te chuan September ni 26-30 chhung khan elimination round neih a ni a, mi 68 an inlan.


Aizawl chhungah October ni 3-4, 2022-ah chhim lam tan Tuikhuahtlang Presbyterian kohhran hall-ah neih a ni a, October ni 5-6,2022-ah hmar lam tan Ramhlun Vengchhak Presbyterian kohhran hall-ah nei veleh a ni a, hmun hnihah hian mi 311 an in lan.

'Praise on 2022'-a tel tura form theh lut zawng zawng chu mi 424 tlingin, elimination round-a in lan tak erawh mi 379 an ni.

October ni 7,2022 (Zirtawpni) zan khan elimination round result chu Synfo Studio, Synod Office-ah puan a ni a, mi 159 te chu second round intihsiak hmachhawn turin an tling.

Second round hi October ni 12-13,2022 chhunah Mission Veng Presbyterian Kohhran hall-ah neih a ni anga, intihsiakna ah hian Guitar leh Keyboard emaw duh zawk zawk hman theih a ni ang.


Mi 159 te atangin mi 50 thlan chhuah tur a ni a, second round result chu October 13, 2022-ah puan a ni anga, Top 50 intihsiakna hi ni thum chhung – October 18, 20, leh 21, 2022-ah neih leh a ni anga, October 27 leh 28, 2022 khian Top 20 intihsiakna neih leh a ni ang.


A ti tha zual 10 thlan chhuah 'Top ten' te'n November ni 8 leh ni 17-ah Final round an neih leh anga, November ni 18,2022-ah result puan leh lawmman semna neih a ni ang.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments