NUAI 22 LEH PU RUATA SAILO

13th October 2022

Tunlai chu nuai thum kan dawn tur 25000 kan dawn tak hu aimahin hlawh siamsual Sipisialist te zara mi pakhat, beihna lai tur zawn reng, "I hi le" ti ni awm taka nuai 22 thuthang vel hi sawi teh ang.



HRIATNA REI TAWH :
10th July 2022 khan amah Pu Ruata Sailo  hnen aṭangin a hlawh an siam Double tih thu hi ka hre tawh a, a tir lamah a hriat nghal bik loh thu leh a hnu lawkah a hriat chhuah thu te min hrilh a.
Amah ai chuan hlawh siamtute nikhua loh vang leh   fimkhur loh vang liau liau ah a ngaih theih a ni. Thla 2/1 hnu ah an hriat chhuah mai a rinawm laiin thla 10 hnu ah, amah Pu Ruata phei chuan zep hauh lova a hlawh an siam Double thu a hrilh kual hman chiam hnu ah an han hre chhuak a, tichuan mi hlemhle ber tiin sawi nuam ti em em an rawn chhuak ta a ni.


ENGINEER SAWISAK HLAWH :
SE chu a ni ve. Mahse hetiang taka hlawh tam, Technically a thiamna sang nei hi chhawr tlak loh mihringah chhuah a ni a, SAD lamah OSD in January 2021 khan an han dah mauh mai a, Staff pawh a nei lova, he Post ah hian thlak a nei lova, PWD a a kir leh pawhin he Post ah hian thlaktu (Charge hlanna tur) a nei hek lo. A tawi zawngin a tan liau liau Office hna neilo buatsaih a ni tawp tihna a ni. Hei hi DDO lama hriat fuh loh awm phahna ni pawhin a lang.

NHIDCL ah Deputation a kal thei reng a nih laiin dilna pawh a siam a, State Sorkar chuan a chhan sawi lovin a Forward sak duh lo leh zel bawk a. SAD a a awm lai hian Staff a neih loh avangin a Payroll aman a buaipui a, Pay Bill siamtute hnenah July thla hlawh chu siam sak tur leh August aṭang chuan a awmna thar lamah siam sak turin a hriattir a, SAD aṭanga PWD a a let lehna (Transfer Order) pawh hian SAD lam a thleng chuang lo niin alang.

Tichuan a hriat hma leh a hriat hnu thlengin duhsak lo bera lang Engineer chu duhsak takin hlawh Double an siam ta zat zat mai a nih chu!!









NUAI 22 :
A hlawh, Double a lo kal hi a GPF dil mekna remchangah hman tumin GPF hi a tlang chuan GPF Statement ah a lang dawn tho a ni. Sorkar dinhmun a lang reng a, Pu Ruata hi kumthar lama Pension tawh tur a ni a, a Service ah 90% lai dan ang chuan dil chhuak thei a ni tawh. A dil ta reng a, mahse Pension tawhte pawh chinfel loh Vbc.200 chuang teh meuh awm mekah hian he HLAWH DOUBLE, tute emaw inthlahdah vanga thleng hi tuemaw tan chuan MALSAWMNA ah a chang dawn ta a nih hi.

GPF ai chuan hlawh Double ngawr ngawr chu a thang hmasa ta a, hriatchhuah loh theih ani lo, nuai 22 hi GPF 90% kar chhuah nan a remchang tham ve ta hle tihna a nih chu. A GPF dilna hi a tir lam, July thla chawhnu lam phei kha chuan GAD lamin GPF Statement an la chhuak thei lawk lova, an buai phah viau a ni awm e. Sorkar zawk a talbuaia amah vang hian Officer lian an Meeting râwl nen, hlawh Double chinfel a ngai a, chinfel a nih theih nan GPF 90% a lo dil dim diam bawk si. Amah aia buai an tam ngawt ang.


SORKAR PAWISA KAWL HAWH LEH GPF :
Chhungte pawisa Nuai 900 vel kawl sak thei hruaina hnuaiah chuan hlawh Double la hriatchhuah ngei ngei tur kawl hawh saka a aia tam fe, 90% rulhna tur urchhuah nana hman tluka Game fing a awm lo.

Pu Ruata Sailo hian heng hlawh Double hi mi ṭhenkhat, HealthCare Bill la theilo mangang te a lo puk tir ve leh chhawng a, Sorkar sum vek in kawl kual sak vel a ni ber mai!! Rul turin an han ti a, 90% GPF Release sak loh chuan rulhna a nei tawh lo thiam ta tlat a ni!!

Pension hnu ah pawh tam takin an chingfel thei lova Sorkarin Vbc.200 Chuang a bat sak laiin a ni zawng, Sorkar meuh lakah pawh pa thluak ṭha, chai fe tham a ni tih a pho lang a, a Game ah a hruai kawi duah duah a, October thla tir, Pension hma kumah GPF 90% a Withdraw theuh mai a nih hi!!


TLIPNA :
"Sorkar hian hre chhuak lo se, sawi lovin eiruk char char a tum em ni?" tihte hi chu tu emaw ṭawngkam takin "A mawl thlak lutuk" a GPF Statement  atang lo pawh hian Pension mai tur a ni a, la lang fiah thuai tur, rulh leh ngai tih hi amah tluka chiang an tam lovang. Chuti chung chuan amah leh an chhungkaw tana Malsawmna thuahhnih thlentu a chang ta hlauh a nih chu.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post