MNF SAWRKÂRAH UI MAN TAM HI SUM KHAWHRALNA MAI A NI - ZPM Ṭhalai

Aizawl | October 10, 2022: ZPM ṭhalai headquarters chuan thuchhuah siamin, MNF sawrkarah ui man tam hi sum khawhralna mai a ni," an ti.

ZPM Thalai R.T.I zawhna sawrkârin a chhânna aṭanga a lan danah, MNF sawrkârin Central aṭanga an sum hmuh aṭangin ni 2.8.2019 khan ui fing  pariat leiin, ui leina man, training pêkna senso leh an chaw leh damdawi man bâkah, an chênna tur in sakna senso atân an sum hmuh cheng 18,40,000/- an sêng tawh a, chubakah, an chaw leh thildang mamawhah home department hian cheng nuai 4 chuang vawiin thlengin an sêng tawh bawk a ni. Narcotic detection dog-te hi Aizawl, Champhai leh Kolasib-ah te duty tirin, operation-ah an hruai ṭhin niin tarlan a ni bawk.

ZPM ṭhalai thuchhuah chuan, "Hetih lai hian, hêng ui fingte hi lei an niha,  training pêk an nih hnuah pawh, an duty-na ah vawiin thlengin ruihhlo chhuichhuah kawngah emaw thildangah emaw  achievement chhinchhiahtlâk engmah an la neih loh thu RTI chhanna ah tarlan a ni bawk." tiin a tarlang.

Chhawrna mumal awm leh si lova hetianga ui man tam lei a ni hi ZPM Ṭhalai chuan pamhmai an tih thu tarlangin, "sum tam tak luan ralna niin kan hria a, MNF sawrkâr hmasaka police mawza man tam leh ek in kal thei-te nen khan sum siamna leh thil thuhmunah kan ngai."an ti bawk.

"Mizoram sawrkâr chu a enkawl thiam bâk thil  leh sum siamna niawm a lang thilah inhambuai tawh lova, mipuite hlawkna tur leh ṭhatna tura  chak taka hna thawk zawk turin kan ngen  a ni." tiin ZPM ṭhalai chuan thuchhuah an siam.

_____________

ZPM THALAI PRESS RELEASE

*MNF SAWRKÂRAH UI MAN TAM HI SUM KHAWHRALNA MAI A NI.*

ZPM Thalai R.T.I zawhna sawrkârin a chhânna aṭanga a lan danah, MNF sawrkârin Central aṭanga an sum hmuh aṭangin ni 2.8.2019 khan ui fing  pariat leiin, ui leina man, training pêkna senso leh an chaw leh damdawi man bâkah, an chênna tur in sakna senso atân an sum hmuh cheng 18,40,000/- an sêng tawh a, chubakah, an chaw leh thildang mamawhah home department hian cheng nuai 4 chuang vawiin thlengin an sêng tawh bawk a ni. Narcotic detection dog-te hi Aizawl, Champhai leh Kolasib-ah te duty tirin, operation-ah an hruai ṭhin niin tarlan a ni bawk.

Hetih lai hian, hêng ui fingte hi lei an niha,  training pêk an nih hnuah pawh, an duty-na ah vawiin thlengin ruihhlo chhuichhuah kawngah emaw thildangah emaw  achievement chhinchhiahtlâk engmah an la neih loh thu RTI chhanna ah tarlan a ni bawk.

Chhawrna mumal awm leh si lova hetianga ui man tam lei a ni hi ZPM Ṭhalai chuan pamhmai kan ti a; sum tam tak luan ralna niin kan hria a, MNF sawrkâr hmasaka police mawza man tam leh ek in kal thei-te nen khan sum siamna leh thil thuhmunah kan ngai. Mizoram sawrkâr chu a enkawl thiam bâk thil  leh sum siamna niawm a lang thilah inhambuai tawh lova, mipuite hlawkna tur leh ṭhatna tura  chak taka hna thawk zawk turin kan ngen  a ni.

Sd/-

(J.LAL RAM NGHAKA)

General Secretary

Publicity Department

ZPM Thalai Headquarters

No. ZPM THALAI HQ/PR/2022/58

Aizawl the 10th October, 2022