Tluangi / Tluangs tia hriat hlawh, Govt Johnson College Miss 2022 Lalnuntluangi hi Lalhmingthangi leh Zairemmawia te fanu niin, December 10, 2001 khan a lo piang a. Unau pahnih-a a naupang zawk niin, u mipa pakhat a nei a ni.
Ama sawi dan takah 'Tluangs' tia an koha nuam ti ber, Tluangi te hi Prebyterian Kohhran-ah lawiin, Ramthar veng Aizawl-ah chengin an khawsa a ni.
Tluangi'n EXPLORE MIZORAM zawhna a chhanna te:
📌 Zirna lam:
~ Pawl 10 hi Government Republic high school Ramthar veng-ah kum 2019 khan ka pass a, pawl 12 pawh hi Government Republic higher Secondary atangin kum 2021 khan ka pass leh a. Tunah hian Government Johnson College ah B.A 3rd semester niin Education ka core mek a ni.
📌 Hobby:
~ Hobby hi a hran in ka nei lemlo a thil thar zel tih hi nuam kati
📌 I duhzawng leh ngainat zawng hrang hrangte?
• Lehkhabu duh: Revolution 2020
• Actor/Actress: Johnny Depp/Elle Fanning
• Zaithiam: Sam Smith
• Chawhmeh: Alu leh avocado
• Hla: Imagine by John Lennon
• Hmun: Ka nu awm na hmun apiang
• Rawng: Red
• Ziaktu: Chetan Bhagat
📌 Mize ngainat zawng:
~ Mi hlim thei leh rilru zau
📌 Mize ngainat loh zawng:
~ Mi chapo,chapo nih duh hauh silo te hi ka ngaina lo
📌 Kawppui tura duhzawng?
~ A siamtu Pathian theihnghilh ngailo,min duat em2 tur leh hlim thei deuh han nui deuh vur vur reng mai se
📌 Relationship status:🤭
📌 Aim in life:
~ Teacher a bik takin elementary lampang hi ka zirtir chak zawng tak an ni!
📌 Govt Johnson College Miss 2022 - 2023 thlanna a tel chhan?
~ Kan Su ten tel turin minti a, an mahni ka zah vang leh engtiang chia a sang nge ka thleng theih hriat ka duh vangin ka tel a ni.
📌 Govt Johnson College Miss 2022 - 2023 nih hi i inring reng em?
~ Ring lo. Tin, Hetiang lampang hi ka ti ngai lova, ka chhungte leh thiante pawhin mak an ti khawp mai.
📌 Govt Johnson College Miss 2022 - 2023 in I nuna nghawng a neih??
~ Ka nun-ah hma ka sawn em em a, tawngkam leh chezia-ah te leh zirna lamah pawh a hma aiin ka rilru ka pe leh zual!
📌 Modelling lam i tui em?
~ Ka tuina lam chu a ni chiah lo!
Zawhna dang:::
1. A tel lova i awm theih loh:
~ Ka nu
2. I nun kaihruaitu:
~ Bible leh ka chhungte
3. Hringnuna i hlauh ber:
~ Ka hmangaih te chan leh kalsan nih
4. I tih ngai miah loh tur:
~ Mi hmuhsit
5. Mizo Tualzal nuna ṭha i tih:
~ Tlawmngaihna hi a ropui ka ti a, tun thleng a kan la chhawm nung zel hi a tha ka ti.
6. Quote i duh ber:
~ By his own hand he leaded me!
7. Mizoram leh Mizo tualzal nuna Mizo hmeichhiate dinhmun:
~ Tun hma ngaihtuah chuan hma kan sawn em em a, hmeichhia ten kan ngaihdan kan sawi ngaihpawimawh a ni ve ta rigawt pawh hi hmasawnna lian tak a ni. Tin, mipa in a tih theih ang hi hmeichhia pawh hian kan ti ve thei deuh vek tawh a dinhmun sang tak kan chang chho mek a ni.
8. Hnam hmingṭhat leh hmingchhiat kawngah Hmeichhiate'n mawhphurhna:
~ Hmeichhia te hian kan hmel leh kan mizia atang rigawt pawhin mi kan hip thei a, pawimawh ber chu kan hnam hmingthat leh hmingchhiat hi kan mawhphurhna a ni tih hriain hnam dang leh aia upa zawk te mithmuh ah nun uluk hram hram ang u.
9. Hnam ziarang chawinun kawnga Hmeichhiate mawhphurna:
~ Hmeichhia te hi Pathian in malsawmna tam takin min vur a fanau enkawl kawng ah hian a bik takin nu hian mawhphurhna a nei lian hle a, naupang a nih atangin fate hi kawng dik kawhhmuhtu leh kan hnam ziarang thahnemngai taka zirtir hi kan mawhphurhna a ni.
10. Mizote tan 'Fa neih tlem' inzirtir hi a ṭulin i hria em?
~ Fa neih tam leh tlem hi inzirtir a ngai turah ka lo ngai ngai lo a kan chawm thei leh kan enkawl thei lo tura tam chu neih loh mai tur a ni.
11. Mizo hnam ṭhanmawh bawk nia i hriat?
~ Taimakna leh thatchhiatna
12. Mizo hnam damna atana kawng awm nia i hriatte?
~ Mizo te hi kan la tlem a kan ram pawhin hmasawn a harsat khawp mai mahse kan tlem tih ah khan tawp mai lo in tang tlang ila tumah inla hrang leh kawng diklo lamah peng lo in thahnemngai takin kan hnam damnan in lungrual zel ang u.
13. Hnam chhan nana Hmeichhiate ṭangkaina leh mawhphurna?
~ Hmeichhiate hi Pathianin Mipa kawppui tur tawiawm turin min siam a hnam chhana kawngah pawh hian kan Mipa te tawiawm a hnung dawltu leh ring tlat tu nih hi kan mawhphurhna a ni.
14. Zirna, Khawtlang leh Kohhran hi?
~ Nun kaihruaitu a tan tha viau mahse zirlai kan nih chhung chuan inhmang tam lo ila tha ka ti.
15. Khawtlang, Kohhran leh nangmah:
~ Ka tel tam lutuk lo a, a khat tawk in a tul dana zirin ka tel ve thin.
16. Social Media leh Nangmah:
~ Social media hi ka active lutuk lo a, tangkai taka a hmang thei rual in hmuh tam leh awh tur atam ani mai a hmuh tam loh hi ka thlang zawk
17. Mizoram ṭhalai tam tak tlakchham:
~ Taimak na leh insumtheihna
18. Mizo ṭhalaite hian ngaihsan tur dik an ngaisangin i hria em?
~ Mihring mizia leh duh dan a inang vek lo a, kan nun a tha zawnga min kaihruaitu tur chu ngaihsan awm a ni mai.
19. Ngaihsan tur dik nia i hriat:
~ Mi taima leh beidawng ngai lo.
20. Hlawhtlinna tura pawimawh:
~ Bul i tan tawh Chuan a laklawhah tlu mahla tho leh rawh, a tawp i thleng hma chuan bansan suh, a tawp a hlawhtling thin chu beidawng ngai lo te bawk hi an ni.
21. Hloh i hlauh ber:
~ Beiseina
22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
~ Aw ring e, hnam inpumkhatna thlen nan chuan inlungrual a inhmangaih tawn hi a pawimawh ka ti.
23. Hnam dang nupui pasal neih hi:
~ Min siamtu leh min hmangaihtu Pathianin hnam hmangaih bik a nei lo hmangaihna chu mi zawng zawng tan a ni.
24. Nupui pasal neih hmaa mipat hmeichhiatna hman hi:
~ A tha lo khawp mai, insumtheihna hi kan tlachham lutuk hi a pawi a ni.
EXPLOREMIZORAM.COM i hmuh dan:
~ Explore Mizoram hi a din tirh khan ka hria a social media-ah ka active zui loh avangin ka hre zui lo - ka hriat leh meuh chuan hetiang taka tangkai leh hlawhtling, news awlsam taka hriat theihna ber alo ni ta hi ka lawmpui a, kal zel turin duhsakna ka hlan a, hun tha min pek avangin ka lawm tak zet e.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
😍😍😍😍😍
ReplyDeletePost a Comment
He post chungchanga i ngaihdan lo sawi ve rawh: