Ticker

10/recent/ticker-posts

Kum hnih hnu-ah mipui chhim theih Anthurium Festival!

Aizawl | October 10, 2022: Hripui vanga kum hnih mipui chhim theih loha hman a nih hnuin Anthurium Festival chu kumin hian mipui huap leh chhim theih turin Reiek Tourist Resort-ah ngei buatsaih a ni leh dawn ta!


Kumin Anthurium Festival hi October 14 leh October 15 hian Reiek-ah ropui taka hman tura ruahman a ni a. Chhun dar 12 atang ve vein programme tan a ni ang.

Anthurium Festival 2022 ni khatna hi Tourism Minister Robert Romawia Royte chuan khuallian niin a hmanpui ang a, Tourism Development Board vice chairman TC Pachhunga leh GOI MSME Secretary BB Swain chu khualzahawm an ni ang a, Mizoram Tourism Principal Secrerary Manisha Saxena chu chairman a ni bawk ang.



Anthurium Festival 2022 ni hnihna hi Chief minister Zoramthanga'n khuallian niin a hmanpui ang a, Tourism Minister Robert Romawia Royte, Govt Dy Chief Whip Lalrintluanga Sailo, leh Mizoram Chief secretary Renu Sharma IAS te chu khualzahawm niin, Mizoram Tourism Joint Secretary V Lalengmawia'n a kaihruai ang.

Anthurium Festival 2022-ah hian Mizo Idol 2022 T Vanlalhmangaihi, Siampuii Ralte, Sangtei Khuptong, Michelle Varte, Lalbiakhlui Pachuau bakah Mizo Idol pahnihna leh pathumna - C Vanlalroluahtumi leh David Darlong, JH Peka, Francis Lalnunpuia, Miachael Khiangte, Jauvi, Zaii Hauchhum, Omomi Khiangte & Saiwanah, Sawmtea Chhangte,  Melody G Fanai, Francis Lallawmima, Young Fella, Alex Hauhulh, Vanlalhmangaiha, Keimah Senes, Tlangval Tlumtes Ft Lil Me, Rebecca Lallawmsangi, Marina V varte leg K Hminga te an zai ang a, anni bakah hian CYMA Choir, Seraphic Choir leh Sound from the hills an zai bawk ang a, hnam lam hrang hrang en tur a awm bawk ang.

Full Prog.






(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments