Khawruhlian bul-a lirthei chesualah mi pahnih boral

Aizawl | October 5, 2022: Khawruhlian bul-a lirthei chesualah nimin khan mi pahnih boral.

Nimin tlai dar 4:15 bawr vel khan Aizawl lam atanga Khawruhlian khaw thlen hma lawhkah ruahsur nasa avangin lei leh chirh a tawlh chiam mai a, lei tawlh hia lirthei engemawzat a dang a, chung zinga a hmatawnga awm Telecom Company motor Bolero pakhat chuan lei tawlh chu tlan tlang a tum a, diakah a tang ta a. Lei tla hi a tam zui zel avangin a khalhtu leh passenger pakhat chu chhukin hmun him lamah an insaseng a. Lei tawlh a nasat zui zel avangin, bolero chu kawng thlang lamah a tlak mai hlauhthawnawmin a awm ta a. Driver hian a motor tla tur chu a buaipui a, a rahna lai lei chu a bal leh ta zel a, amah chu kawng thlang kawrah chuan a tla ta a ni.

Driver tlakna hi a awih hle a, kawng atanga hmuh phak loh thlengin a lum a, a hnuah motor pawh hi a tla zui ve leh a, kawng thlang thui vak loah bolero hi chu a tang a. PWD JCB leh Contractor ECI Hitachi hmangin Bolero hi chu an hnuk chhuak leh ta a ni.

Driver hi khawruhlian YMA leh mi tlawmngai ten an zawng nghal a, Driver (hnam dang) hi tukin thleng hian hmuh a la ni lo. Leivung chirh hi a la tawlh reng a, ruang zawn pawh a harsain a hlauhawm hle a, ruang hmuh mai hi a beiseiawm rih loh hle niin thudawnna chuan a sawi. 

Helai leiminin kawng a hnawh hi nizan zanlai velah tih tlang a ni a, vawiiah driver ruang zawn hnatlang hi neih chhunzawm a ni ang.

Helai kawng a tlang hnu hian tukin zing dar 2 vel khan hmar lam atanga Aizawl lam pan Pu Thandanga Hnamte, Armed veng Alto Car chu Bolero tlakna chhak lawk, kawng bal laiah a chesual veleh hlauh mai a. He alto car-ah hian mi pali an chuang a, chuang zing a mi Pu Lalrinawma kum 66 s/o Kapthianga(L) Armed veng chu a boral a, midang pathum; Armed veng mi vekte hian, hliam an tuar a, an zinga pahnih phei chu an na viau niin thu dawn a ni. He thu buatsaih lai hian hliam te hi Khawruhlian Hospital-ah lak an ni a, Pu Lalrinawma ruang hi Khawruhlian YMA Khualbukah lak a ni.

- MSR

CONGRESS PARTY CAMPAIGN NA A KAL CHESUAL TE PU ROBERT ROMAWIA'N HELICOPTER A HIRE SAK

5 Sept, 2022

Madawnga Khiangte

Pu Robert Romawia Royte chuan tukin zinga Khawruhlian daia Motor Accident vanga hliam tuar, Armed Veng mi te chu Helocopter Hire sakin Aizawlah phurh thlak an ni.

.

Khawruhlian daiah hian leimin nasa tak vangin mi pahnihin nunna an chan a. Armed Veng mi te hi Congress Party hruaitu niin, nimin lama Campaign tura feh chhuak an ni a. Khawruhlian daiah hian tukin zing dar 2:00 vel khan cheualin, an zinga pakhat Pu Lalrinawma (66) S/o Kapthianga (L) chu a boral nghal a, midang pathumin hliam an tuar a, pahnih phei chu an na viau niin thu kan dawng.

.

Pu Reberta chuan "Motora han phurh dawn khan an ngaihtuahawmin kan hre deuh a, kawng dang kan zawng ta mai a ni" a ti a. Ka bial mite an nia, chhiat tawh leh vanduai thilah chuan party ka ngaihtuah ve lem lo, Congress, ZPM, BJP pawh ni se, puih an ngaih chuan kei chuan ka pui mai zel, kan tih theih ang tawk kan ti ve mai a ni e tiin kan zawhna a chhang.

.

Hetianga a ṭul apianga midang pui duh leh a nachang hria ram hruaitu kan nei hi a hlu hle a ni.