Ticker

10/recent/ticker-posts

HRIAT THIAM LOH CHANG I NEIH PAWHIN PATHIANAH RINNA NGHAT RAWH

 Danglam duhna: Thlarau zungkaihna hmasawntir

— Rick Warren 

— October 11, 2022


“I thinlung zawng zawngin Lalpa ring la, nangmah hriatnaah innghat suh” Thufingte 3:5.

Mi tam tak chuan hlawhtlinna an chan hmain Pathian hnenah a tihchianna an beisei thin a- mahse chu chu rinna a ni tawh lo. Rinna chuan hriatlawk loh pawha tih ngamna a keng tel a ni.

Rinna awmzia chu i hriatthiam loh pawha thu i awihna kha a ni.  Entirnan, mi ngaihdam hi i  ngaihdan tha tak angin lang mah se a harsa a, rinna fiahna tha ber pakhat a ni. Miin an tihnat chein, va ngaihdam chu dikin i hre lo maithei, dik angin a langlo maithei. Mahse i hriatthiam loh pawhin ngaihdamna hi duhthlanna dik ber a la ni tho.

Naupang i nih lai khan i nu leh paten awmzia awm lem loa i hriat pawh thil an tihtir thin che kha i la hria em? Mahse tunah chuan chiang takin i thlir let thei ang a, i nu leh pa rilru pawh i hrethiam tawh ang.

Chutiang chu Pathian hnathawh dan pawh a ni.

Rinna chu hrethiam lo deuh pawha thiltihna hi a ni. Thufingte 3:5 chuan, “I thinlung zawng zawngin Lalpa ring la, nangmah hriatnaah innghat suh” A awmze kilh kelh i hriat loh pawhin Pathianin a hria a ni. Bibleah entirna Roreltute 7 ah khan Gideona chanchin atangin kan hmu a. Gideona'n hmelma sipai 135,000 lai bei turin Israel mi 300 chauh a hruai a ni. Pathian chuan sipaite te chu meichher te, tawtawrawt leh bel ruak a pe theuh a - Gideona tan chuan a ho hle ang.

Tichuan Pathianin Gideona hnenah chuan meichher chu an hmuh lohna turin bel ruaka khuh tur leh hmelma te awmna chu hual turin a hrilh a. Pathian thupek chu hetiang hi a ni: “Tawtawrawt ham tura ka hrilh hunah che u chuan belruak chu in vaw keh anga, vawi lehkhatah meichher chu in ti eng phut ang a, sipai tam takin an hual vel khup angin a lang ang a. An phek buai anga, hmelma te chu anmahni leh anmahni an inbei mai dawn a ni.”

Gideona'n thil awmzia a hriatthiam lem loh pawhin thu a awih mai a ni. Israel miten tawtawrawt an ham rik chuan belruak chu an vaw keh a, vawilehkhatah meichher chu a eng phut ta mai a, sipai tam takin an hual vel khup angin a lang a. Hmelma te chu an harh a, Israelte chu bei lovin anmahni leh anmahni chu an inbei a ni. Israelten hnehna an chang ta - a chhan chu Gideona'n Pathianin a hrilh ang zela a kalpui vang a ni.

A chang chuan thil atthlak deuh anga lang te pawh Pathianin a tihtir thin che a. Mahse rinna i neih chuan, Pathianin a tihtir che i hriatthiam loh pawhin a thu i awih tho ang. 

Gideona leh a sipai ang hian, hmachhawn tawpna tel lo chuan rinnain i kal thei lovang. Mahse Pathian chuan hresa vekin engkim a thlir a. Ti tura a tih apiang che chu ring chungin ti mai rawh.

Ngaihtuah zui atan

* Pathianin a tihtir tawh cheah eng nge la mak ber? Chu chu engti zawngin nge a lo herchhuah le?

*Bible chuan mahni hriatnaah innghat lo turin min ti a. Eng kawngah te nge Pathian ngaihdan aia mahni ngaihdan lak duhna i neih? Eng vangin nge?

* I hriatthiam loh ti tura a tih che i tih theih loh phahna i hlauhna lian ber eng nge?

*[Lettu: Sangpuia]*

Post i hmuh dan

Post a Comment

0 Comments