Ticker

10/recent/ticker-posts

Union Minister of State Dr. Munjpara Mahendrabhai in AYUSH leh Women & Child Development te hnathawh chungchanga Review Meeting nei

Aizawl | Sept 22, 2022: Sawrkar Laipuia Minister of State for AYUSH leh Women & Child Development Dr. Munjpara Mahendrabhai chu vawiin khan Mizoram a lo thleng a. Tlai dar 3 khan Aijal Club ah Mizorama AYUSH Directorate leh Women & Child Development Department hnathawh leh hmalakna te thlirin Department hotute Review Meeting a neihpui.


Dr. Munjpara Mahendrabhai chuan a enkawl Ministry 2 te – AYUSH leh Women & Child Development chuan ram pumah hmalakna tha takin an kalpui mek niin a sawi a. Mizoramah pawh mipuiin AYUSH lam thiamna te an hriselna atan an hmang tangkai mek chu lawmawm tiin Ayurveda te phei chu hmasanga atangin India in hriselna chungchanga system of medicine a neih leh kalpui a ni a, mipuiin an hlawkpuiin an tangkaipui hle a ni, a ti. AYUSH hi nunphunga (way of life) kan neih a pawimawh a, chuvangin AYUSH hi tun aia mipui te’n an chhawr tangkai theih nan

AYUSH awareness ah hma kan lak leh zual a ngai tiin a sawi bawk.
Pi Esther Lalruatkimi, Principal Secretary, Health & Family Welfare in AYUSH Directorate leh Pu Arun Mishra, Secretary, Social Welfare & Tribal Affairs in Women & Child Development Department hnuaia hmalakna hrang hrang te, hnathawh leh hmalak mekna dinhmun te leh an mamawh te power point presentation hmangin an tarlang a ni.
Presentation ah tarlan danin Mizoram pumah hian a nghet leh nghet lovin AYUSH Doctor 89 leh Support Staff 99 thawk mek an awm a. AYUSH hian kum 2021-22 chhungin khaw 12 ah Medical camp te buatsaihah damlo 2882 an en a. Mizoram hian Thenzawl ah khum 50 awmna AYUSH Damdawi in a neih bakah District tam zawka khum 10 awmna AYUSH inenkawlna a nei tawh bawk a. Mizoram pumah AYUSH Health & Wellness Centre 38 neih tumin hma lak mek a ni, heng zinga a tam zawk chu hawn a ni tawh a ni. Aizawl ah cheng nuai 1500 senga sak tur khum 50 awmna AYUSH Damdawiin leh Saitual ah cheng nuai 750 senga sak tur khum 10 awmna AYUSH Damdawiin te hi sanctioned a ni tawh bawk a ni.

Mizoram pumah hian ICDS hnuaiah Aganwadi Centre 2244 a awm mek a, hengte hian an mahni pualin building an nei vek tawh a. ICDS hi tunhnaiah khan a hming hi Saksham Aganwadi tia thlak niin Poshan 2.0 an kalpui mek a ni. Poshan 2.0, naupang kum 3 hnuai lam leh nu naupai leh nau pawm te chaw tha pekna scheme hnuaia beneficiary 1,20,586 an nei mek a. Hengte hi chaw tha, thil hrang hrang chi 13 kum khata ni 300 an pe thin a ni. Heng bakah hian Central Scheme danga hmeichhe naupang kum 14 leh 18 inkar beneficiaries 5506 an nei mek bawk a ni. Mizoram hian tum hnih lai ICDS a kalpui that vangin National Award an dawng tawh a, hengah hian lawmman sumfai nuai 250 an dawng tawh bawk a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments