Aizawl | Sept 5, 2022: Tata Sons Chairman hlui Cyrus Mistry chu nimin khan lirthei chesualah a thi.
Kum 54 a upa a ni. Tualchhung police te sawidanin Pu Mistry-a chetsualna hi Maharastra-a Palghar district chhung Charoti hmunah a ni a. A chuanna Mercedez car chuan kawng thenhrangtu leirawhchanchan rem a su a. Amah hi Mumbai atanga Ahmedabad pana tlan a ni. Pu Mistry bakah hian cara chuang ve midang pakhat a thi bawk a. Mi pahnihin hliam an tuar a ni.
Maharastra CM Eknath Shinde chuan Cyrus Mistry thi chu pawi a tih thu a sawi a. Sumdawng hlawhtling mai niloin mi tam tak hnena beiseina pe tu a ni a ti.
- AIR Aizawl
Post a Comment
He post chungchanga i ngaihdan lo sawi ve rawh: