Ticker

10/recent/ticker-posts

SRK Constructions-in Tlabung damdawi intan 20Kv Generator hlan


Lunglei | Sept 26, 2022: Vawiin khan Lunglei DC office kawtzawl ah SRK Constructions chuan an Corporate Social Responsibility (CSR) Fund atangin Tlabung Sub-Division Hospital a hmantur 20Kv Kirloskar Generator cheng nuai nga (5 lakhs) man an hlan. He hun hi Lunglei Bawrhsap Pu Kulothungan A, IAS chuan a hmanpui.

Pu Kulothungan A chuan Tlabung Sub-Division Hospital tih changtlun nana hnathawh na tur Generator an pek chu lawmawm a tih thu sawiin Hospital a thawktute mai bakah Tlabung leh a chhehvel khua te tan hmanrua tangkai tak a nih tur thu a sawi a ni. Lunglei District hmasawnna kawngah te nen thawhhona tha tak neih chhunzawm zel a duh thu a sawi a, SRK Constructions te hian hemi hma pawh hian Tlabung Sub-Division Hospitala hmantur Medical hmanrua pek a nih tawh thu a sawi bawk.

Tlabung Sub-Division Hospital tana Kirloskar Generator an pek hi Pu Arvin Reddy, Project Co-ordinator, SRK Constructions chuan Dr. L.C Liana, Chief Medical Officer, Lunglei hnenah a hlan a ni. Generator hi Tlabung ah an dah sak dawn a ni.






(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments