Aizawl | Sept 21, 2022: Serchhip khawpui helna tur kawngpui chu Forest Clearance nei lovin hna thawh chhunzawm zel a ni tih vawiin khan finfiah a ni.
He kawngpui, Kram Infracon Pvt. Ltd.-in an laih mekah hian ‘Forest Clearance’ an neih loh avangin Environment, Forests & Climate Change Department chu hna thawk chhunzawm lo turin a lo hriattir tawh a. Tun hnaiah phalna la nei chuang si lovin kawng laih hna hi chhunzawm leh nia hriat a nih avangin vawiin khan Serchhip Sub-Hqrs. YMA Vigilance Committee member thenkhatte leh Forest Department aiawh Thenzawl Division RO leh a thawhpuite a hmunah kalin an enfiah a, report an dawn ang ngeiin Company hian hna hi an lo chhunzawm leh tih hmuh a ni.
An hna thawhna hmun atang hian Company hotu sang zawk te phone hmanga be nghalin ‘Forest Clearance’ an neih rih loh avanga sawrkarin chawl rih tura thu a pek lai mek an nih thu an hrilh nawn leh bakah an hnathawh kal lai chu chawlhsan turin an hrilh a; company lam pawhin an chawlhsan nghal tur thu an lo sawi ve bawk a ni.
Kram Infracon Pvt Ltd. in Serchhip khawpui helna tur an laih mek hi kilometer 14-a thui a ni a; kawng laih hna hi zaa 85 an zo tawh a ni.
- AIR Aizawl
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: