Hrangbana College (HBC) Lady of the Year 2022-2023 R Lalduhsaki (Rimenhawihi)

Govt Hrangbana College (HBC) Lady of the Year 2022-2023 R Lalduhsaki (Rimenhawihi) kan bel chiang!


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



Rimenhawihi emaw Nunutei emaw -a hriat hlawh Govt Hrangbana College Lady of the Year 2022-2023 Lalduhsaki hi C Rohmingthangi leh R Lalbiakngheta te fa pali zinga a upa ber dawttu niin, August 16, 2002 khan a lo piang.

Rimenhawihi hi an khua chu Haulawng, Lunglei District niin, zirna vangin Chanmari, Aizawl-ah a cheng mek a, Mizoram Presbyterian kohhran a lawi an ni.

Rimenhawihi te unau hi pali niin, mipa 2 leh hmeichhia pahnih an ni a, u hmeichhia pakhat neiin, nau mipa 2 a nei a ni!


Rimenhawihi hi Mizo hmeichhiaah chuan a san zawng pawh zahpuiawm loh tak niin ft 5'6 a sang a ni.


Rimenhawihi'n EXPLOREMIZORAM.COM zawhna a chhannate i lo thlir ang.

📌 Zirna lam:
• Pawl 10:
~  Pawl 10 hi kum 2018 khan Gov't Aided High School ah 1st Division ah ka pass chhuak a ni. 

• Pawl 12:
~ Kum 2020 khan Haulawng Higher Secondary School ah Pawl 12 hi 1st Division ah ka pass chhuak a ni. 

• Tuna i zir mek:
~ Tunah hian Govt. Hrangbana College-ah B.A (English) Final year ka zir mek!

📌 Hobby:
~ ka hun awl neihah hian comic chhiar leh hla ngaithla ten hun ka hmang ṭhin a, ka tuina lam zawngah; eng lam thil pawh ni se, research bei leh hriatchian lehzual tuma enkual vel nuam ka ti hle bawk.


📌 I duhzawng leh ngainat zawng hrang hrangte?
• Lehkhabu duh: Tell me your dreams by Sidney Sheldon
• Actor/Actress: Jackie Chan, Will Smith, Peter Capaldi
• Zaithiam: Taylor Swift
• Chawhmeh: Alu kân ro, vawksa.
• Hla: Who says? by Selena Gomez 
• Hmun: Home
• Rawng: Rawng duh bik ka nei lo a, amaherawh chu rawng lâi (neutral) lam hian ka mit an la hma.
• Ziaktu: Vanneihtluanga


📌 Mize ngainat zawng: 
~ Thinlunga țha mi leh mi inpe zo, hmangaihna ngah. 

📌 Mize ngainat loh zawng: 
 mî hmusita hnuaichhiah chîng leh mi thinchhia. 

📌 Kawppui tura duhzawng?
~ Gentleman, rilru puitling leh fing fel, Pathian hnaih mî ni thei se, innghahna tlak, ka chhungte, a nu leh pa anga hmangaih taka enkawl thei tur mi. 


📌 Relationship status:
~ In a happy relationship ^_^ 


📌 Aim in life: 
~To provide a better life and comfort for my family ☺ 


📌 College Lady/Miss thlanna a tel chhan?
~ Hrangbana College represent tu, Lady title hi a zahawm ka ti hle a, mahni insîtna leh tlin tâwk lohna tam tak nei ve mah ila, he dawhsân (platform) hian ka lo zawn țhin hmasawnna, mizîa ah leh inrintâwkna ah pawh ni se, nei thei thei turin min pui dawn tih ka hria a. Chumaibâkah kan Âw (Voice) neih te min ngaithla tu leh entu an tamna platform a ni a, chu hun remchâng tak chu kan âw neih ve te, țhalai leh tleirawl naupang zawk ten an lo hriat phak ve atan a remin, a hlû em a, he Lady title zahawm tak thlanna ah hian chuh turin ka tel ve lo thei lo a ni.


📌 College Lady/Miss nih hi i inring reng em?
~ Țawngțaina nen Pathian hnenah, aman rem a ti a nih chuan, min nihtir dawn tih ka hria e' tiin Pathianah, a remruatna chu engpawh nise, lungawi turin amahah thlamuang deuhin ka innghat deuh tawp a ni.


📌 College Lady/Miss in I nuna nghawng a neih??
• Ka inrintâwkna a ngheh phah sauh a. Eng ni lo mah ila, tleirawl tlemte in an entawn (role model) ka ni ve tih ka hriat khan, personality development nei tur leh entawn tlak ni turin ka bei ve a, Pathian nena kan inlâichinna pawh a ngheh phah a ni.


📌 Modelling lam i tui em?
~ A țha lam zawnga hma min sawn tir thei a nih chuan, ka tuina lam zawng vek a ni e ☺.


Zawhna dang:::
1. A tel lova i awm theih loh:
~ Ka Pa Pathian 

2. I nun kaihruaitu:
Ka Pa Pathian 

3. Hringnuna i hlauh ber:
Ka hmangaihte rilru nâ leh hreawm tuar lai hmel hmuh, hlîm takin awm reng se ka duh a ni. 

4. I tih ngai miah loh tur:
Mî hmuhsit leh hnuaichhiah 

5. Mizo Tualzal nuna ṭha i tih:
Kan tlawmngaihna nun hi a hlû ka tia, ka lo chhuan ruk ve em em țhin a ni. 

6.  Quote i duh ber:
~ "She walked with God, that was her game changing strategy"
- Anonymous 


7. Mizoram leh Mizo tualzal nuna Mizo hmeichhiate dinhmun:
~ Hmanlai mizo hmeichhe dinhmun chhia leh khawngaih thlak lutuk thlir let chuan, hma kan sawnin, dikna leh chanvo kan ngah tawh hle a, amaherawh chu chan chhiat zawkna tam tak nei thei dinhmuna kan la din avangin, hmeichhiate dinhmunah hmasawn theihna tam tak a la awm ve ka ti a ni. 


8. Hnam hmingṭhat leh hmingchhiat kawngah Hmeichhiate'n mawhphurhna:
~ Hnam hmingṭhat leh hmingchhiatna kawngah hian a hnam pum pui hian, hmeichhia pawh ni ila, mipa pawh ni ila kan mawhphurhna a sângin, a inang tlâng ka ti a, lungawi lohna kan inneih tawnna țhinah pawh hnam dang hmuh theih tura in nghirho leh inti mualpho mai lo in, țha taka a ruka inzilh fin hi a țha zawk mai lo maw, tih hi ka ngaihdan a ni e. A bul berah chuan Social media kan hman dan hi fimkhur a ngai zual ka ti hle bawk.


9. Hnam ziarang chawinun kawnga Hmeichhiate mawhphurna:
Kan mizo tlawmngaihna nunze mawi hi chhawm nung zel ila, a ze mawi apiang kan fanu te zirtirin, entirnan; mitthi thing leh buh khawn, thingpui lum thlan lai ho lo pek te. Heng leh a dang mizo ze mâwi tak lantir a chhawm nun zel hi hmeichhiate mawhphurhna ah a innghat tel a ni. 

10. Mizote tan 'Fa neih tlem' inzirtir hi a ṭulin i hria em?
~ Mizo hnam tlemna angah chuan thil țul ber niin ka hre lo a, Mizo hnam bô lo tura fa neih tam inzirtir hi a pawimawh zawkin ka hria a ni. 

11. Mizo hnam ṭhanmawh bawk nia i hriat?
~ Zu leh ruihhlo hluar leh kan duhâmna, thatchhiatna te hian kawng tam takah hmasawn turin min dal in ka hria.


12. Mizo hnam damna atana kawng awm nia i hriatte?
Kawng tam tak sawi sen loh a awm ang a, a pawimawh berah chuan Pathian țih a, a hnung zui hi damna famkim ber niin ka hria.


13. Hnam chhan nana Hmeichhiate ṭangkaina leh mawhphurna?
~ He khawvel rawn changkang chho zelah hian hnam dang nun ziarangin, mizo nunah nghawng a nei nasa em em a, chuvangin kan mizo hnam nun zia rang (tradition leh culture) chumi kara boral lo tura chhawm nun leh vawn nun zel hi a pawimawh in, kan kôah a innghat tam ka ti a ni.


14. Zirna, Khawtlang leh Kohhran hi?
Zirna leh Kohhran a inhman kawp hi thil pawi a ni lo a, a tih kawp theih vekin ka hria, amaherawh chu chin tawk leh mawi tawk a awm vek a, lehkha kan zir laia kohhran kan bel tam hman lo a nih pawn, thil sual a niin ka hre lo a, taima taka lehkha zir pawh hi Pathian rawng kan bawlna vek a nih avangin, zirna tibuai lo tura kohhrana a awm leh mawi tawka inhman thiam a pawimawh ka ti a ni.


15. Khawtlang, Kohhran leh nangmah:
~ Mizo khawtlanga sei lian chho nih chuan, kohhranin kan nunah hmun lian tak a chang lo thei lo a, chutiang bawk chuan keipawh, țhalai dang ang bawkin ka nunah kohhranin hmun pawimawh tak a chang ve a ni. 


16. Social Media leh Nangmah:
Tleirawl chhoh tirh ațangin social media in ka nun chhoh zelnaah nghawng a neiin, chanpual pawimawh tak a nei ve a, țha lam zawnga nghawng a neih tam ang bawkin a chhe lam zawng pawn nghawng a nei tam ve a, tunlai khawvelah chuan social media a lo țangkai tawh si a, chuvangin hmang fimkhur tura ka nu leh pa zilhna ka dawn fo te kha a lo țangkai chho ka ti keimahah chuan. 


17. Mizoram ṭhalai tam tak tlakchham:
~ Mahni inrintâwkna, taimâkna leh nundan mawi. 

18. Mizo ṭhalaite hian ngaihsan tur dik an ngaisangin i hria em?
~  Mihring inang lo țheuh țheuh, ngaihsan zawng pawh a lo dang a, a pawimawh ka tih ber zawk erawh chu kan nunah kan ngaihsan zawng chuan, a țha lam leh chhe lam zawngin nghawng a nei em tih hriatchian a, belhchian leh chuta țanga inzir chu a pawimawh zawkin ka hria a ni.


19. Ngaihsan tur dik nia i hriat:
~ Mi țha, dik leh huaisen te hi ngaihsan tur dik niin ka hria a ni. 


20. Hlawhtlinna tura pawimawh:
~ Taimakna leh mahni inrintâwkna te hi hlawhtling tura thil pawimawh zinga mi țhenkhatte niin ka hria. 


21. hloh i hlauh ber:
Ka chhungte, min hmangaihtu leh ka hmangaihte. 


22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat? 
Ring tehreng e, a hnam ang zawng leh pawl ang zawng chuan mihring zia ah in țanna a nâ thei hrim hrim a, chutiang bawk chuan kan ram leh hnam tana thil hlauhawm (threat) a rawn awm hian, hnam inpumkhatna leh țanrualna, hnam kan hmangaihna a rawn langchhuak țhin ka ti a ni.


23. Hnam dang nupui pasal neih hi:
Mizo hnam ațang ngawr ngawra thlir leh mihring Pathian siam vek kan nihna ațanga thlirin ngaihdan leh thlirna tlang hrang hrang a awm thei ang a, thil pakhatah chauh inthlurbing lo a zau taka ngaihtuah ngai niin ka hria a, chhanna dik leh famkim a awm hranin ka hre lo a ni.
Galatia 3:28 "Chutah chuan Juda mi a awm theih loh va, Grik mi pawh a awm theih hek loh, chutah chuan bawih a awm theih lo va, bawih lo pawh a awm theih hek loh, chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a." 


24. Nupui pasal neih hmaa mipat hmeichhiatna hman hi:
Bible a kan hmuh angin Mipat hmeichhiatna hi Pathianin inneih hnua hman tura a duan a ni a, inneih hmaa hman chu suala ngaih a ni, chumi zawm lo a țhalai tam takin kan hman sual nasat avangin, natna hlauhawm tak tak a darh tam phah a, fahrah an tam phah bawk a ni. 


EXPLOREMIZORAM.COM i hmuh dan:
Thu bengvar thlak tak tak mi nawlpuiin an lo hmuh leh hriat theih tura post-na a nih mai bakah, mipui te âw phochhuahsaktu dawhsan pawimawh tak a ni ka ti a, Zawhna leh chhanna hun min buatsaihsak avangin EXPLOREMIZORAM.COM chungah ka lawm hle a ni. Ka lawm e!


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Tunlai țhalai te hi an lova puitling tawh em. Nula fel leh chhuanawm tak lo ni zel rawh se.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post