Ticker

10/recent/ticker-posts

'Ni leh thla kara leng' lehkhabu tlangzarh

Aizawl | Sept 20, 2022: Govt T. Romana College Deptt. of History Associate Prof. leh Central YMA Assistant Secretary ni bawk Prof. Malsawmliana Lehkhabu ziah, 'Ni leh thla kara lêng' tih chu Mizoram Chief Information Commissioner Lalnunmawia Chuaungo IAS (Rtd.) in vawiin chawhnu dár 2:00 khan, Central YMA Hall, Tuikhuahtlang Aizawlah a tlangzarh.


He lehkhabu Tlangzarh inkhawm hi PUC Dept. of Economics Asst. Prof Lalthlamuanna Ralte-in a kaihruai a. Rev. Lalfakzuala'n hunserh hmangin lehkhabu ziaktu, Prof Malsawmliana bakah Central YMA President R Lalngheta,  leh TRC principal Dr Jennifer Lalbiakdiki ten thu an sawi.


Lehkhabu tlangzarhtu, Pu Lalnunmawia Chuaungo chuan Mizo fate tana lehkhabu rotling leh in zirna tham ziah a ni leh, tlangzarh theia a awm chu Pathian remruat a nih a rin thu a sawi a. Hmanlai Mizo Lal tena an ram chin an hauh dan leh ram leh hnam an humhalha an hmangaih thinna chu a zahawm a tih thu leh thangthar tena kan zui zawh loh zia ngaihtuah chuan a zahthlak a tih zia thu a sawi a ni. 

Lehkhabu tlangzarh tâk, thlirlawkna hun hmangtu, Dr. Rohmingmawii, Associate Professor, Dept. of History, PUC chuan he Lehkhabu nih phung leh a ziaktu hawi lam nia a hriatte sawiin, Historical content nei tha tak, Historical book ni chiah si lo a, a chhiar tute tana ngaihnawm tak nia a rin thu leh Mizo tawng ngeia hetiang lam lehkhabu thar kan nei tur chu lawmawm a tih thu a sawi a ni. Message strong tak - *Ram leh Hnam hmangaihna leh humhalhna lam* a nih ber thu a sawi bawk a ni. 

'Ni Leh Thla Kara Lêng' tih lehkhabuah hi Phek 183 niin a ziaktu hian lehkhabu dang sawmli (40) zet a râwn thu a lang a. Blue Mountain Offset Printer, Aizawlah print a niin, ISBN nei thlapa siam a ni. A Bu chhungthu hi then 28 ah then niin, thu hlawm hnih lian pui puiah then a ni bawk a ni. 

A Lehkhabu ziahtu hian Anu, Pi Lalduhi (L) hriatreng nana a siam a ni.
















(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments