Ticker

10/recent/ticker-posts

MZP-in federal council nei; "ramri chungchangah MZP ngaihdan chu a la ngai reng a, kan pi leh pute luah chin ram BEFR 1875 hi kan ram a ni" - MZP president

Aizawl | Sept 16, 2022: Mizo Zirlai Pawl (MZP) rorelna sang ber dawttu Federal Council Sitting vawi 55-na (2021-2023 termah vawi 2-na) chu vawiin September 16, 2022 khan MZP Conference Hall Aizawl-ah neih a ni a,  MZP) Federal Council Sitting hi chairman leh MZP General Headuarters Vice President ni bawk Pu Andrew F Lalramnghaka chuan a kaihruai a, he hunah hian MZP Assembly 2022 Darzo khuaa October 25 - 27 chhunga neih tura thu rel turte ngaihtuah hova thlitfim a ni.


He hunah hian House Leader, MZP General Headquarters President ni bawk Lalnunmawia Pautu chuan thu sawiin, "MZP chuan ram leh hnam tan engtiklai pawhin theih tawp a chhuah thin a, kan ram leh hnam tana tha nia kan hriatah chuan, miin min support lo mahse huaisen takin ke kan pen thin." a ti.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



Pu Lalnunmawia Pautu chuan ramri chungchang sawiin, "Mizoram leh Assam sawrkar-in inbiakna neih a tum chu tha kan tiin, lawmawm kan ti hle a. Beiseina sang tak nen kan thlir mek a ni, chutih laiin ramri chungchangah MZP ngaihdan chu a la ngai reng a, kan pi leh pute luah chin ram BEFR 1875 hi kan ram a ni," a ti bawk.


"MZP chuan Mizo thalai hna zawng mekte hmakhua kan ngaih avangin, Pension rawihnawn hi kan remti lo a. Mi bik leh thiamna bik nei an nih loh chuan pension tawh in rawihnawn tlut tlut hi MZP chuan kan dodal zel ang," tiin a sawi.


MZP Federal Council Sitting chuan a hnuaia mite hi MZP Assembly agenda atan pawm a ni;
1. Mizoram sawrkar enkawl zirna in hrang hrang fee kalphung hi ennnawn a, a tam thei  ang ber zirnain hma asawn theihna atan hman a nih theih nan MZP in hma la rawh se.
2. Post Matric Scholarship-a Mizoram sawrkar tum ve tur State Matching Share (SMS) hi  a hun taka pekchhuah a nih theih nan hmalak ni rawh se.
3. Mizoram sawrkar hnuaia College hrang hrang te’n Bus an mamawh hi sawrkarin a tul anga a ngaihtuahsak theih nan hmalak ni rawh se.
4. RUSA kaltlanga college hrang hrang sak that/ thawmthat hi a hun taka zawh a nih theih nan hmalak ni rawh se.
5. Mizoram chhunga NHIDCL hnuaia kawng laih hna thawh mekte hi, a nih dan tur dik  taka thawh a nih theih nan enfiaha hmalak ni rawh se.
6. Mizoram sawrkar hnuaia hna lakah Mizo tawng Middle School standard tih hi exam a  nih ngei theih nan hmalak ni rawh se.
7. Mizoram chhunga Insuarance company ten insuarance diltute hnenah harsatna an siam fo hi chinfel a nih theih nan hmalak ni rawh se.

Vawiina MZP Federal Council Sitting hian MZP Assembly lo awm turah MZP danbu siamthat nise a ti bawk.

MZP Federal Council Sitting vawi 55-naah hian rorel palai 121 an kal. 




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]




(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)





Post i hmuh dan

Post a Comment

0 Comments