Ticker

10/recent/ticker-posts

MP(LS) C Lalrosanga'n NEIGRIHMS tlawhin an hmun thar turte fang

Aizawl | Sep,t 1 2022:  MP (LS) C Lalrosanga chuan vawiin khan Shillong-a North Eastern Indira Gandhi Regional Institute of Health Medical Sciences (NEIGRIHMS) a tlawh a. Medical Superintendent Dr. Daniala leh a hoten NEIGRIHMS damdawi in leh khawl thar changkang tak tak bun mekte an enkualpui.


Regional Cancer Centre khum 250 dahna tur Cancer veite enkawlna hmunpui building sak mekte leh a chhunga khawl changkang tak tak Linear Accelerator khawlte an enpui bawk a. Daktawr zirlai 100 velin MBBS an zir theihna tur Medical College building tharte fan kualpui a nih bakah Regional College of Nursing, Nurse100 zir belh theihna tur building tharte an fanpui bawk a ni.
 
Dr Daniala chuan NEIGRIHMS damdawi in chhunga damlo zai ngaite zaina tur pindan Operation Theatre changkang tak tak   pariat siam mekte pawh MP chu a fanpuiin tunlaia khawl leh hmanrua changkang ber berte hmanga thuam mek a nih thu a sawi.


Pu C Lalrosanga chuan Mizoram aṭangte pawha natna chi hrang hrang nei damloten an pan nasat NEIGRIHMS damdawi in lianṭha tak mai a awm hi lawmawm a tiin, hmun rem ṭha tak leh felfai taka damlo enkawlna hmunpui hi hmarchhak bial tana malsawmna a tling a ni tih sawiin Natonal Institute of Importance a puan a nih phak hial a beisei leh theihtawpa hmalakpui a tum thu a sawi a ni.

- DIPR
Post i hmuh dan

Post a Comment

0 Comments