Mizoram DGP-in Mamit tlawh

Aizawl | Sept 21, 2022: Mizoram Director General of Police (DGP), Devesh Chandra Srivastva-a’n zan khat riakin nimin khan Mamit a tlawh.

 DGP hian Mamit SP office Conference hall-ah Mamit district chhunga khawtlang hruaitute leh Tlawmngai pawl hruaitute a kawm a; khawtlang hruaituten khawtlang mamawh leh an harsatna an lo thlen te chu a theih ang anga tihhlawhtlinsak a tum thu a sawi.

 DGP hian Mamitah hmeichhe SP hmasa ber a awm dawn a ti a, SP lo awm tawhte an lo thawhpui that ang thoa lo thawhpui tha turin khawtlang leh tlawmngai pawl te a sawm a. Khawtlang hotuten a hnena Mamit district chhunga police post ruak tam lutuk leh Attached-a hmun danga police awm te Mamit district-a dah kir tura an lo ngen chu a theih anga hmalak a tum thu a sawi a, police station ten lirthei an neih that tawh loh chungchangah pawh hmalak a tum thu a sawi bawk a.

 Mamit district-ah police an tlem avangin Myanmar leh ram pawn hmun dang atanga kuhva tawlh ru thin ten Mamit district lamah an kalpui thin a, hengte hi man chhuah zel an duh a, an man theih nana pui turin DGP chuan mipui a sawm bawk a. Heng Myanmar leh hmun dang atanga kuhva tawlh ruk avang hian Mamit district, a bikin Hachhek bial chhunga Kuhva chingtuten an kuhva rah an hralh tur Assam police ten ram dang kuhva angin an lo mansak thin a, hemi avanga buaina an tawh thin chungchangah pawh theih tawp a chhuah thu leh Assam DGP a sawipui tawh thu leh harsatna tawk lova an thar chhuah kuhva hralh a nih theih nan theih tawp a chhuah zel thu a sawi bawk a ni.

 DGP Pu Devesh Chandra Srivastva-a hian Mamit SP office, Mamit Police Station leh 4th IR Bn headquarters Luangpawl te a tlawh a ni.

- AIR Aizawl

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)