Aizawl | Sept 21, 2022: Cheng nuai 23 leh Sing 2 senga Lairam Christian Medical Centre & Hospital-a bun, damlote hman tur Oxygen siam chhuahna khawl chu nimin khan hawn a ni.
Oxygen Plant hawngtu LADC CEM Pu V.Zirsanga chuan Oxygen Plant hawn theih a ni ta chu District mipui leh a mamawhtute tan thil hlu tak a ni, a ti bawk.
Medical Superintendent, Dr. B. Zonunsanga sawi danin, Oxygen khawl chu Asia Pacific Baptist Federation atanga tanpuina Cheng Nuai 14 an dawn hmanga lei a ni, a ti a. Oxygen siamna khawl nei ringawt mah se hman theih turin tih ngai tam tak a awm a; hman theiha bunfel nan hian Oxygen khawl man te nen a vaiin Cheng Nuai 23 leh Sing 2 senral a ni, a ti.
Nimin vek khan LADC EM, Fisheries changtu Pu HC Lalthawmliana’n PMMSY hnuaia kum 2021 atanga 2023 thlenga project an thehluhte bawhzuiin Fisheries Minister Pu K. Lalrinliana a kawm a; an project thehluhte a hlawhtlin ngei theih nan hmalakpui turin a ngen. Minister chuan LADC project-te chu NFDB-in central-ah tihlawhtling tura an theh luh tawh thu leh Central sorkar pawhin an pawmpui vat a beisei thu a lo hrilh.
EM Pu HC Lalthawmliana hian Fisheries Dept. Director pawh hmuin LADC tana hmalakna hrang hrang an siamte chak taka bawhzuisak turin a ngen nghal bawk a ni.
- AIR Aizawl
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: