Ticker

10/recent/ticker-posts

KOHHRAN SCHOOL LEH ZEL!!

15th September 2022
A luan thlak dan te hi mak tak a ni.


HETIANG HI HRIAT DAN CHU A NI :
Baptist Higher Secondary School (Lunglei) Administrative Block Building  sakna atana Estimate chu Nuai 78 a ni tawp mai. Hei hi a darh zuih phingphisiau ta em em mai a ni.
He hna atana Contractor hmingputu hian nuai 10 a fanghmano ei hmak phawt!! A la bang chu Nuai 68 ni tur a nih laiin BCM hnenah hian Nuai 42.46088 chauh pek a ni ta a ni. Khawiah nge nuai 26 hi a awm tak ang?!!



THU KAL ZEL :
Allied Consultancy Firm, tunlaia NABARD sum hmanga School cheithat hna thawktu langsar, Venghlui, Aizawl lam, Education Minister lamhnai tak ni a sawi te chuan Party Worker hnenah Nuai 52 in an han pe chhawng ve leh a, an pekchhawn te chuan Nuai 15 a hralh chhawng ve lehin Nuai 37 vela sak a lo ngai ta a ni awm e!! (Lunglei chanchinthar sawi danin)
Hei hi BCM chuan an pawm lo nasa mai ni awm a nia, an kutah Nuai 37 ni lovin Nuai 42.46088 hlan a ni a, a hmun laihna (Earth Work) chu Kohhran tum tur an ti zui a ni awm e.
KOHHRAN THU HLA :
Kohhran chuan a tir atangin Estimate nuai 78 hmang hian Contractor hna a chhiat theih em avangin Kohhranin thawk se tiin an lo thlen tawh ni awm a nia, mahse hnawl sak an ni tih a chiang a, Kohhran pawhin tihngaihna hre lo khawpin nuai 78 Estimate a Nuai 42 vel an dawn tarh mai bakah a hmun laihna mahni intum ngai zui ta bawkah chuan kut an sil ni awm tak a ni.
Kan Contract hna han kal kual tir vel dan hi chu hna ṭha han thawk tur zia zang kan ni mawlh lo. A kal a kal a, pawisa a thlauh zeuh zeuh a, a thawh tak takna tur chu Estimate chanve dawn a lo ni zel hi ram kan sawpchhiat duh dan Formula hmanthiam a la ni reng mai!! A lungchhiat thlak a, a thinrim thlak bawk.
RILRU AH THILDANG :
OSD-a kan chhawr chhan te, Kamrula hna hmuh theih zia leh vansan zia te chhut hian engngemaw sumtuak nan tute emaw hi chu thiltithei takin kan siam hi a ang ber a, sawi dawt dawt duh lo mah ila, mifing pangngai tlang hriat tur hian Kuhva Smuggling lama kan dawih zia leh Unit Level thlenga Vai Contractor thîk ngam lo HNAM PARTY kan ni rup mai hian kan Flagship hi engkawng pawha tuak ngai a nih zia a ti rinhlelhawm ting mai a ni.
NECS kan ti ṭuah hum a, Sports lamah a pawh theih zawng zawng kan pawt a, a hlawhtlingte chhawmdawlna bei tham lutuk te hi kan Grass phah hian a mualpho zawk mek a nih hi!! Smart City hleithei lo khawpin Infiamna sum siamnaah kan tal âwk mek a nih hi.
OSD-a te, RRR-a te, Kamrula te hi SEDP sumtuakna hmanrua lo ni ta pawh nise MNF chhungkaw lengdarhtu tur, 2023 ti hupphurhawm tu an la ni ngei dawn!! Minister vau khur khur ngam chengkhat hlawh an lo awm hlauh a nih chuan 2023 kum tawp ah chuan Zoram hi an tan ralṭitna hmun ni zui se a mawh lovang. Lo leng bat bat phawt teh se. Ṭhangthar thinrim hi kan tawngbaw dawn khawp!!
CHIANG TA CHE U!!
A tahtawla Audit zel tur ti a Minister-in-Chief in a sawitur a ni em kan tih ṭhup laia a puan zawrh zawrh kha tumah Audit zui an ni lo, Trade & Commerce a a chanvo Bazarpui sakna sum chu an pawhpen sak fai vek zui!! Chumi hnu ah Health Care a sum ba rulhna tur zawngin Delhi tlang thlengin an vahvaih tir leh!! Mualpho nek mahse pawi ti lo khawpa rilru chhia, MNF lengdarh duh hi an awm chiang a ni.
Chutih laia Contractor te Bill pek chhuah dan en chuan Minister rep ro ten beisei taka "A vûr kum" an thlir laiin ṭhenkhat chu thaw thei lo khawpin kan vûr pil lek lek a nih hi mawle!!
TLIPNA :
Education Minister hi pa rintlak tak a ni. Mahse Allied tih leh Gold Scam a inthlunzawmpui tlat hian a ti hming hliau ta fo a, dikna duh, ṭanawm tak nih a duh chuan he Firm pahnih lakah hian a tâl pit thuai a ngai a, dik takin a mizia dik tak lanchhuah tir se, Moderate taka Education a enkawl hi a tluang leh zual ang.
MNF hrim hrim hi kan dem tlawrh tlawrh a ni lo, MNF chhe ber min hlui hi kan thâ a na  mai a ni.





 (He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments