I HNAAH KHAN RINAWM TAKIN THAWK RAWH

  Chatuan Nihphungte
— Rick Warren 
— Sept. 28, 2022


“Tupawh tlemte chunga rinawm chu tam tak chungah pawh a rinawm thin; tupawh tlemte chunga rinawm lo chu tam tak chungah pawh a rinawm lo thin a ni. Sum lem chungah mah in rinawm loh chuan tuin nge sum tak chu kawltir ang che u?” Luka 16:10-11

Vanram hi ninawm tura i ngaih chuan, ngaihtuah nawn leh ang che.

Chhum zingah engmah ti lovin i ṭhu mai mai dawn lo. Pathianin a zawm che a, i tui zawng pawh a hria. I thil tui zawng, thiamna leh theihna te pawh amah aṭanga chhuak vek a ni. I thlarau thilpek te, rilru, theihna, mizia leh tawnhriat hmang tein a duang che a ni.  He Leiah chauh hian danglam bik turin a siam lo che a. Vanramah pawh chhawmtir zel che a tum a ni.

Vanramah pawh hna i nei ang, mahse he Leia i hna leh vanrama i hna chu a dang tawh ang: Vanramah chuan i hna chu hlim takin i thawk thei ang a. Lu nâ emaw rilru hahna emaw i nei lovang. Awmze neiin, hlim takin, ṭangkai tak siin engtiklai pawhin i thawk thei ang. I duhthusam zawng zawng chu chatuanin i nei thei ang!
Vanrama i thawh tur bik emaw i mawhphurhna tur chu ka hre bik lova. Amaherawhchu ka hriat chhun chu he Leia Pathianin tih tur leh mawhphurhna a pek che laka i rinawm dan a zir a ni ang.

Pathianin a en reng che a, a fiah che a ni. Hringnun chu reilote atana tih tur intukna hi a ni a, chuvang chuan mawhphurhna i neih mekah khan engtia rintlak, rinawm leh innghahna tlak nge i nih tih Pathianin a en duh che a ni.

Hna pek i nih chu engtin nge i tih? Theihtawp chhuaha i thawk a nih chuan Pathianin a aia tam zawk vanramah a pe dawn che a ni. Pathian khawngaihna avang chuan vanram chu i kai ang, mahse i lawmman tur leh mawhphurhna tur chu he Leia Pathian rawng i bawl danah i rinawm leh rinawm lohin a hril ang.

Bible chuan: “Tupawh tlemte chunga rinawm chu tam tak chungah pawh a rinawm thin; tupawh tlemte chunga rinawm lo chu tam tak chungah pawh a rinawm lo thin a ni. Sum lem chungah mah in rinawm loh chuan tuin nge sum tak chu kawltir ang che u?” Luka 16:10-11

Pathianin sum i enkawl dan te, hun i vawndik dan te, i hriselna te,  inlaichinna te, remchanna i lei dante a thlir reng a ni.

Pawisa i vawn dan hi rinawmna fiahna a ni a, vanram i kai huna i awmdan tur pawh a hril dawn a ni. Khawvel hausaknaah pawh Pathianin a rin theihl oh che chuan — ba i nei fo ang, Pathian ram pek tur i nei thei lo vanga, i thil phal lo bawk ang— chuti chu engthilah nge Pathianin  chatuanin rintlakah a ngaih ang che le?

Pathian chuan mawhphurhna i hlen dan a en a— sualna neia inhriatna neihtir a tum lo va. Vanramin a pek theih che hlimna zawng zawng hmang ve turin Pathianin a duh che a ni.

He Leia Pathianin a ruatna che mah rinawm taka i thawh chuan, vanramah phei chuan a aia tam zawk a pe ang che.

Ngaihtuah zui atan
* I hna chu rinawmna fiahna nia i hriat chuan eng nge danglamna i hmuh le?
* Hna awmze nei lo leh ṭangkai lo i thawhnaah Pathianin engtia awm turin nge a tih che i rin?
* I hnaah engtin nge i rinawm theih ang?


[Lettu: Sangpuia]






(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post