Aizawl | Sept 27, 2022: Health & Family Welfare Minister Dr R Lalthangliana hovin vawiin khan SAD Conference Hall-ah Community Based HIV Screening Programme hawn a ni.
Dr R.Lalthangliana chuan thu sawiin HIV / AIDS chu tanrualna nen hneh theih a ni a ti a, hripui leng COVID-19 dona kawngah Mizoram mipui zawng zawngte kan tanrual ang khan HIV/AIDS dona kawngah pawh hian inlungrual leh beidawng duh lova kan do tlan chuan chhiatna lian tham zawk kan pumpelh thei a ni. Health Department leh MSACS ringawt chuan HIV/AIDS pungchho mek zel hi a ti ziaawm thei danw lova, Mizoramah he natna tihbaiawm tak hian tlem lanm a pan theih loh chhanah hian mitin ten mawh kan phur a ni a ti. Vawiin a ZMC leh India Cares ten MOU an sign hian HIV/AIDS dona kawngah rah tha a chhuah ngei a beisei thu a sawi.
Dr ZR.Thiamsanga, Vice Chairman, Health & Family Welfare Board pawhin thu sawiin, HIV/AIDS dona kawngah mipui kan tanrual a pawimawh tak zet a, vawiin a MOU sign hian Health Department leh MSACS kut tichaktu anih ngei a rin thu a sawi bawk a ni.
He programme hi Pi Esther Lalruatkimi IRS, Principal Secretary, Health & Family Welfare Department chuan a kaihruai a, Dr T.Lalhmangaihi Principal Director, Health & Family Welfare Department in lawmthu sawina hun a hmang a ni.
He programme in a tum ber chu High Risk Group ten awlsam zawka HIV test an neih theih nana ruahman a ni.
Vawiin MOU hi Dr Zohmingthanga, Director ZMC leh Dr V.Sam Prasad, Country Programme Director, India Care, New Delhi ten an sign a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: