Hman deuh tawha Cristiano Ronaldo leh Leo Messi te award semnaa an interview kha kan en theuh awm e. Kha hunah khan Ronaldo khan Messi kha a football career atana a hlutzia leh amah motivate tu tha tak a nih thu te kha a sawi a, an inelna avanga hmasawnna nasa tak an neih dun thu leh dinner hial la ei dun ngei a duh thu a sawi a nih kha. Kha infiam mi rilru ngei khan a ni Ronaldo ti Ronaldo thin chu ni. Khawvela football player tha ber pahnih, miin an tehkhin ber, an fans te pawh insual ngama an inhnial fona an ni a, mahse, an inzahin, an inhmangaih tlat a ni!
Chutiang bawkin, khawvel infiam mite zinga ropui ber pawl, Tennis lalpa an tih hial Roger Federer chuan tukin zing khan a tennis zinkawng atangin chawlh zai a rel ve leh ta. Ani, Rafa Nadal leh Djokovic te inkhel hmu ve phaa ka awm pawh hi vannei ka inti mang e. He huna ropui em em mai leh mite thinlung hneh bertu nia lang chu a khingpui leh elpui ber Rafa mittui tla hi a ni ngei ang. Cr7 leh Messi tluk zeta khaikhin dun hlawh leh inhnialna siam tam an ni a, mahse Rafa hian a elpui ber thinin a chawlhsan tur zet chu a laina zinga mi boral tluk zetin lungchhe takin, insum lui tak siin a mittui a dang zo bik mawlh lo a nih kha! Infiam mi dik tak Rafa kha khawvelin kan ngaisang zual leh ta sawt mai. Record ropui tak tak, Guinness World Record phei chu 30 bawr nei thei Roger hi a hming a dai dawn tawh mawlh lo a, a kal lehzelna turah duhsakna sang ber ka hlan e.
Nizan ve thung khan Zonet Cable TV Pvt Ltd buatsaih Mizo Idol result puanna neih a ni a, T. Vanlalhmangaihi, Hunthar veng nula chu pakhatna a ni. Mi tam takin David Darlong a nih ring an awm a, chutiangin, "C. Vanlalroluahtumi a ni zawk ang" ti te pawh an tam hle. He inelna boruak sang zetah hian pakhatna thlan a ngai miau si a, Judge te leh mipui lawm hlawh Hmangaihi'n Pathian Hmangaihna a dawng ta a ni ber e. Result puanna neih a ni chiah a kianga ding Roluahtumi chuan lawmpui taka kuahin, Davida pawhin hmel hmuh nuam tak leh thinlung chhungril tak atanga duhsak tih hriat zeta a rawn lawmpui thei kha a ni. Hmangaihi, Roluahtumi leh Davida te ka lawmpui che u a, in kal lehzelna turah duhsakna sang ber ka hlan a che u.
He khawvela kan cham chhung hian inelna hian tawp hun a nei mai lo ang. Heng inelna hrang hrang kan hmachhawnah hian kan theihtawp chhuah hi kan tih ve tur reng a ni a, keini aia vannei zawk an lo awm pawha lawmpui thiam hi kan zir tel a tul tak zet a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: