Aizawl | Sept 20, 2022: ATL Road, PWD Lunglei Road Division 1 huam chhunga kawng chhiat dan zir chiang tu Study Team te vawiin khan Lunglei-ah kalin, Kawng chhe laite a sample an la a. Laboratory a endik turin an hawpui nghal.
Zonet JB-in a tarlan danin, Aizawl – Thenzawl – Lunglei kawng, Lunglei Road Division 1 huam chhunga kawngpui chhiat dan dik tak zir chiang tura Engineer In Chief in Study team a dinte chuan vawiin khan Aizawl leh Lunglei inkar kawng chhe laite a dinhmun zir chiang turin an enfiah.
PWD Engineer In Chief chuan September ni 9 khan ATL Road, Lunglei Road Division 1 huam chhunga kawng chhiate a chhiat dan zirchiang turin Study team a din a, Hetah hian Er Robin Lalrinawma SE (Monitorin) Engineer In Chief Office chu Team leaderah ruatin, Member atan Er Pazawna, EE PWD, Lunglei Raod Div 1, Er Vansangpuii EE (Procurement) PIU leh Er ZD Laltlanzova AE (Bridge Cell) E-In –C Office te a ruat a ni.
Study team te hian vawiin khan Lunglei kawng chhe lai te a hmunah tlawhin, Kawngpui sample te an la a, Laboratory a endik turin an hawpui nghal a ni.
Study Team Leader Er Robin Lalrinawma chuan Zonet JB zawhna chhangin, tun tumah hian Lunglei Road Div 1 huam chhunga kawng chhe lai te, a sample an la tih a sawi a. A sample te Laboratory ah endik phawt a nih loh chuan engmah sawi theih an neih loh thu a sawi a. Sample laa endik a nih chhan kan zawhna chhangin, Mizoram PWD kawngpui enkawl zingah ATL Road chu a pawimawh ber a ti a, Sum tatak senga siamthat hnuah a tlo loh chuan sum sen thlawnna a nih theih dawn avangin, a bulthum atanga siamthat dan tur hriatna atan a sample an la tih a sawi.
Zonet JB-in a tarlan danin, Tun dinhmunah chuan kawng sample thenkhat chauh an hawn tih sawiin, a sample dang lak tur a la awm thu a sawi a. Lunglei lama team meberte kutah thil thenkhat dah a nih thu sawiin, Sample lak kim a nih a, Laboratory a endik a nih hnuah leh a tlo lohna chhan hmuhchhuah a nih hnuah hmalak dan tur chu sawi theih a nih tur thu a sawi bawk.
Lunglei Kawng chhiat dan zir chiangtu tur Study team te hi Tukin khan Aizawl atanga Lunglei panin, Zanin tlai lam dar 4 velah Lunglei PWD thuneitute nen an thukhawm a. Zanin tlai vek khan Aizawl panin an lo haw leh a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: