Aizawl | September 14, 2022: Aizawl-ah Thingdawl Nursing School bus pakhat zawk hmuh a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
School of Nursing, Thingdawl tana Airport Authority of India-in Bus pahnih an pek chu pakhatin SONT a thleng a an hman tawh laiin pakhat zawk erawhin pek an nih atanga kum hnih dawn hnu-ah pawh Thingdawl a la thleng zo lo!
Thingdawl Nursing School tan hian December 5, 2020 khan Airport Authority of India chuan AC Bus pahnih a pe a, inhlanna hunah hian Chief Minister Zoramthanga leh Health minister Dr R Lalthangliana te'n an telpui nghe nghe a ni.
 |
| | December 5, 2020- Bus inhlanna | |
Tunah hian School of Nursing, Thingdawl-ah an bus dawn pahnih zinga pakhat chiah a awm niin thu dawn a ni a. Aizawl-ah hian engnge a tih hriat a ni lo!
Aizawl-ah hian hmuh fo a ni a, Thingdawl Nursing School lam chuan an hmang lo niin a lang!
SONT Bus tur-ah hian 'Thingdawl Nursing School' tin inziakin, a hnuaiah 'Donated by Airport Authority of India under CSR initiatives to Thingdawl Nursing School' tih a inziak a, a dawngtu leh an pekin hmang lova hmun danga hman a ni daih hi a mak hle a ni.
Thingdawl Nursing School hi 2017 khan bul tan niin, ANM zirna a ni a, 2020 khan batch hmasa berte an chhuak chiah.
Thingdawl Nursing School hian Parent hospital atan Kolasib District Hospital an hmang a, Bus hi an mamawhna a sang hle a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
December 5, 2020:
Airport Authority of India (AAI) chuan an Corporate Social Responsibility (CSR) hnuaiah Air Conditioned Bus pahnih Mizoram sawrkar pe in, Chief Minister Pu Zoramthanga hnenah an hlan a. Heng bus pahnih hi Thingdawl Nursing School a hman tura ruahman niin Chief Minister hian Health & Family Welfare Minister Dr. R. Lalthangliana hnenah a hlanchhawng leh nghal a ni.
Chief Minister chuan AAI chungah lawmthu sawiin an thilpek chu a hmangtu tur ten an tangkai an tangkaipui hle a rin thu AAI hotute chu a hrilh. Mizoram in boruak thianghlim leh hrisel malsawmna a dawng ang chiah hian a chhunga chengte pawhin hriselna tha tak an neih theih nan ruahmanna hrang hrang siam a hmalak a nih thu leh, hmalak zui zel a nih tur thu a sawi a. Chief Minister chuan airport tichangtlung turin AAI nen Mizoram sawrkar chu thawhhona tha neih chhunzawm zel pawimawh a tih thu sawiin, Mizoram chu tlangram anih avangin inkalpawhna lama hmasawnna ruhrel hrang hrang tha neih a pawimawh thu leh, kawng bakah thlawhna hmanga inkalpawhna tihhmasawn a tul thu a sawi a ni.
Health Minister Dr. R. Lalthangliana chuan AAI ten an Corporate Social Responsibility Scheme hnuaia bus pahnih lai an rawn pe chu lawmawm tiin Thingdawl Nursing School mamawh tak a nih thu a sawi a. COVID-19 hrileng laka mipui an fihlim theih nana thawk tha ber state zingah Mizoram a lan thu tarlangin Health Minister chuan Chief Minister in mipui an him theih nana a tir atanga ruahmanna siama chak taka hma a lak vang a nih thu a sawi a ni.
AAI DGM, CNS & Airport incharge Pu Aloke Gupta chuan AAI tan chuan ni chhinchhiah tlak tak a nih thu sawiin vantlang rawngbawl theia an awm chu lawmawm a tih thu a sawi a. Mizoram sawrkar nen hun rei tak thawhhona tha tak an la neih zui zel a beisei thu a sawi a ni.
Bus inhlanna ah hian Additional Chief Secretary Pu JC Ramthanga, Health Secretary Pu H. Lalengmawia, Aviation Principal Consultant Pu J. Lalhmingliana, Director, Hospital & Medl. Education Dr. T.Lalhmangaihi leh AAI mi leh sa thenkhat an tel a ni.
Bus inhlan chungchang sawrkar website-a a lan dan:
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Post a Comment
He post chungchanga i ngaihdan lo sawi ve rawh: