Hnahthial | Sept 29, 2022: 1st Hnahthial District Level Inter Middle School & High School Quiz Competition 2022 Final chu Zanin September 29, 2020 zan dar 8 khan MZP Pisa, Hnahthialah neih a ni a, zawhfel a ni ta!
He hun hi Mizo Zirlai Pawl (MZP) Headquarters Hnahthial President K Lalzarzova'n a kaihruai a, District Education Officer (DEO) Hnathial Micky R Lalenkawla'n khuallian niin hun a hmanpui.
He hunah hian khuallian DEO DPC Samagra Shiksha Hnahthial Pu Micky R Lalenkawla chuan, "1st Hnahthial District Level Middle School & High School Quiz Competitin buatsaih theih a nih chu lawmawm a tih thu sawiiin, a vawikhatna a ni a, beisei angin engkim a famkim thei lo, a ti a. "Kum thar lamah hei aia ṭha leh changtlung zawkin kan la tih ngei ka beisei." a ti bawk.
Khuallian chuan, MZP Hqrs Hnahthial hmalakna chu fakawm a tih thu sawiin, zirlaite tan intihsiakna ṭha zawk kalpui zel theih a beisei thu a sawi bawk.
MZP General Headquarters Vice President Pu Andrew F Lalramnghaka chuan, "Kan ram, kan hnam leh zirlaite tan theihtawp a chhuah thu sawiin, Kan ram, kan hnam leh zirlaite tan a nih chuan, MZP chuan huang lo leh kuang lo a nei lo," a ti.
MZP Vice president chuan, MZP chu Ramin a mamawh chuan ramriah a thawk mai a, hnamin a mamawhna-ah a kal mai ṭhin thu a sawi bawk.
Andrew F Lalramnghaka chuan, Zirlai kalkhawmte ram leh hnam tana theihtawp chhuaha zir tura chahin, Zirna hi investment ṭha ber a nih thu a sawi bawk.
Zanin 1st Hnahthial District Level Inter Middle School & High School Quiz Competition 2022 final-ah hian Middle School-ah Mantawni Memorial English School, Hnahthial aṭanga team pahnih te an inel a. Team 1 chu pakhatna an ni a, Mantawni Memorial English School vêk hi pahnihna niin, Pathumna chu Millennium English School, Pangzawl an ni.
High School-ah hian Govt High School, Hnathial leh Govt Southern High School, Hnahthial te an inel a, Govt High School, Hnahthial pakhatna niin, Govt Southern High School, Hnahthial pahnihna an ni a, Pathumna hi Govt High School team tho an ni.
He intihsiaknaah hian Middle school leh High School-ah hian an lawmman dawn inangin, Pakhatna hian cheng 7,500 bakah Trophy leh Certifcate an dawng a, pahnihna hian cheng 5,500 bakah Trophy leh Certificate an dawng a, Pathumnain 4,500 leh Certificate an dawng a, palina aṭanga pariatnain consolation prize cheng 1000 ṭheuh an dawng bawk a ni.
1st Hnahthial District Level Inter Middle School & High School Quiz Competition 2022-ah hian Middle School-ah team 31 leh High School-ah team 10 an tel a ni.
He intihsiakna-ah hian Sikul pakhat aṭangin team khat aia tam tel theih a ni a. Zirlai leh zirtirtute'n an hlut hle a ni.
MZP Headquarters Hnahthial buatsaih 1st Hnahthial District Level Inter Middle School & High School Quiz Competition 2022-ah hian Samagra Shiksha, Hnahthial district chu main sponsor niin, District Child Protection Office, Hnahthial chu co spinsor an ni
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: