Ticker

10/recent/ticker-posts

Siaha DC Golden Jubilee Inaugural Function thulh!

Siaha | Aug 30, 2022: Siaha DC Office kum 50 tlin Golden Jubilee lawmna hawnna September 1-a hman tura tih chu nizan zanlai khan thulh thut a ni.


Siaha DC lalsangliana chuan nizan khan thuchhuah siamin Siaha DC kum 50 tlin lawmna September 1 a neih tur hi thulh a nih thu a tarlang a, thulh chhan leh eng tikah nge lawm a nih dawn thuchhuah ah hian a  lang lo thung.

Thuchhuah chuan, "Deputy Commissioner's office, Siaha din champha kum 50na (Golden Jubilee) Inaugural Function date 1.9.22 a neih tur a lo ruahman lawk tawh chu thulh a ni tih kan inhriattir e" tiin a tarlang.


He Golden Jubilee lawmna Programme ah hian, a ram leilung fate leh Mara rama  tlawmngai pawl lian; Mara Thyutlia Py, (MTP) Mara Chano Py, (M.CH.P) Mara Students Organisation (MSO) Gen Hqs te chanvo pek an ni lo a, hei hi sawi a hlaw hle a ni.

Programme

NGO liante chanvo pek a ni lo lai a, Siaha Veng pakha hming chawia ding Model Youth Association (MYA), Young Lai Association (YLA) te  chanvo pe a, a ram leilung fate chanvo tha pek loh hi Mara mipui chuan an lungawi loh puiin, an thinrim hle niin a lang a. Hei hian sawi a hlawh hle a ni.


He chungchangah hian nimin khan Siaha Vaihpi MTP chuan thuchhuah (PR) siamin, he DC Office lo awm thei nan he hmunah in leh lo kal san a,Siaha Vaihpi leh Meisavaih mi leh sa ten DC Office atan mimal ram tam an lo hlanthu te mimal leh pawl ten he hmun tanah tha leh zung lo seng te pawh an tam thu an tarlang a, an thuchhuah ah chuan he hmun tana ram lo pe tu - Vaihpi leh Meisavaih te chu he Jubilee lawmna ah hian chanvo pek ve anngah an ngai laiin  leilung fa NGO te chanvo an pek lo hi an hrethiamlo thu leh an rilru nat thu an chhua a ni.


He issue ah hian, Mara ram Whatsapp leh social media ah sawi a hlawh nasa hle a, NGOs leh Intelleectual tam tak pawh an chai nasa ani.


He thil thleng avang hian Siaha DC Golden Jubillee lawmna committee hnenah mi thenkhat Open letter thawn an awm nual a ni.
 
Hetiang, boruak a ni vang hian chhan hriat lovin nizan dar 10:pm vel khan Siaha DC chuan he Programme tarik 1 Sept ah hman turah tih  chu thulh a ni thu a chhuah bawk a ni.


- Maraland








Post i hmuh dan

Post a Comment

0 Comments