Ticker

10/recent/ticker-posts

Govt Aizawl West College-in 'Old Westian Day' hmang

Aizawl | August 30, 2022" Govt. Aizawl West College chuan vawiin chawhnu dar 2:30 khan an College Auditorium ah zirlai chhuak tawh te pualin 'Old Westian Day' an hmang.




He hun hi Mizoram Information Commission a Secretary Pu H. Dolianbuaia MCS chuan khuallian niin a hmanpui a, "Mihring nunah tumruhna leh taimakna chu khaw eng min hmuhtirtu a ni, a ti.

GAWC Alumni Association chuan College dintirha sulsutute chawimawina hun an buatsaih a, an zingah hian Aizawl pa challang tak tak, Aizawla motor khalh luttu Pu C. Rochhinga, MLA hlui Pu J. Thanghuama (L), Dr. Kenneth Chawngliana leh Pi K. Thansiami te leh doctor hmasa Dr. B. Thangdailova te an tel.


Govt. Aizawl West College zirlai chhuak tate hian kum 2022 atanga 2025 chhunga an pawl hruaitu mi 6; Pu Lalawmpuia Khiangte, Pu B. Vanlalhruaia, Nl. Jenny Lalawmpuii, Tv. Lalentlinga, Pu Vanlalthlana leh Tv. F. Lalramnunsanga te an ni. 



Govt. Aizawl West College hi kum 1990 khan din a ni a, tunah hian zirlai 1,000 chuang an awm mek.

Old Westian Day hi Alumni Vice President, Pu B. Vanlalhruaia'n a kaihhruai a, General Secretary kalchhuak Tv. V. Lalnunthara (Mathara) hnen atangin annual report ngaihthlak a ni a, kal ta te hriatrengna hun hman a ni bawk.


He hunah hian Pi J. Lalrinmawii Home League Visiting Sergeant chuan kalkhawmte recitation hmangin a awi a ni.
Post i hmuh dan

Post a Comment

0 Comments