Ticker

10/recent/ticker-posts

Durtlang leh Sihphir tlangvalte buaina vangin innawr


Aizawl | August 21, 2022:  Zanin khan Durtlang leh Sihphir tlangvalte buaina vangin ṭhalai rual an innawr.

Sibphir ṭhalai lam hian Police in pawi khawihtute an lak tur hi phal lovin Police leh khawtlang hruaitute nen an innawr deuh a. Mahse, buaina lian tham chhuak erawh hriat a la ni lo.

Social Mediaa ṭhenkhatin an vawrh darh ang em em a innawr nasa an ni hran lo niin thu dawn a ni.



He an innawrna video hi social mediaah a darh nasa hle.





Thil thlen dan nia lang darh chu:
"Durtlang lam leng chhoin  Sihpir tleirawl hmeichhia an  chhaih a, an mipa te an hrilh  a  an  in  ti buai  a. Durtlang lam hian Sihphir   mi tleirawl 2  hi  an  khawih rawn  a, an  tlan  chhiat  hnuah  manin  VC house  ah  an   dah  a,  police  in  hruai  chhuah  an  tum  a,  an  in nawr," nia sawi a ni a. 

"Leitan Ramthar rawlthar 4 leh Durtlang rawlthar pakhat, an vaiin 5 in Sihphir rawlthar pahnih kut an thlak vanga thil thleng a nih hmel e.

Br.hruaitute leh L.C Vice Chairman te awm mekin Police pawh an thleng chho a. Sihphir VC te an awm bawk Boruak chhe dang thleng belh awm lo turah beisei phawt ang." tih a darh bawk.



VAWIIN THIL THLENG
Vawiin ni 21-aug-22  tlai lam khan sakawrhmuituai tlawh a kal, Durtlang lam mite leh sihphir lam thalai te chu buaina neiin, Durtlang lam  mite hi sihphir lam thalai engemaw zat in rawn umzuin, kan khaw kawtchhuah, Holy angels school peng bulah rawn nangching in an lo in khawih deuh nual a Durtlang mite hian Kut an tuar nual bawk.

Kan social reform comt.chairman in thu adawn veleh che chhuak nghalin, tharum nen a an innawr deuh hnu in a thelh mit thei ta ani

HETIANG BUAINA HI KAN KHAWCHUNG LEH KAN V.C AREA CHHUNGAH HIAN THLENG TAWH LO SE KAN DUH A. A TUL ANIH CHUAN THUNEITU TE SAWIFEL ATAN  POLICE LAM A THLEN  MAI HI KAN DUH DAN A NI BAWK. 

Secy.
S.R.C
Sihphir venghlun.


Thu dawnna dangin Thil thlen dan a sawi dan:
Sakawr hmuituai a leng thalai an lo in ti buai a, Durtlang mi 12 in Sihphir thalai pahnih an lo khawihrawn a ni awm e.
A khawihrawntu Durtlang lam mi panga chu an manin Sihphir VC House ah an dah a, midang hi an tlan bo hman.
Sihphir thalai pahnih hi damdawiin ah an awm mek.
Police tam takin an man takte hi hruaichhuah an tum a. Sihphir ṭhalai rual pungkhawmin an innawr a, Police hian mi pangate hi an veng a ni.
Tunge thiam a thiamlo zawk hriat thiam a har.


11:40 PM:
Mipui pawh an haw darh tan a. Boruak a tha chho tura ngaih a ni.




Update a awm chuan kan dah zel ang.

[He thil thleng chungchangah hian thu leng vâk a tam hle a. Inrem tak an inṭhen theih nan mi rilru tikalsual thei thu vawrh darh lo turin ṭhalaite kan inngen e. - Editor]
Post i hmuh dan

Post a Comment

0 Comments