Aizawl | August 6, 2022: Thawhtanni (08.08.2022) hian Tlangval Jeremy Lalrinnunga, Gold Medalist CWG 2022, Commonwealth Games a India ram aiawh a rit inchawisiak a hlawhtlinna sang tak thawkchhuaktu chuan Aizawl a rawn lut dawn a. Lengpuiah ama puala lawmna inkhawm sawrkarin a buatsaih zawhah Aizawl khawpui fan kual pui a ni dawn a. Mizoram ti hmingthang tu Jeremy Lalrinnunga hi lo lawm a, lo dawngsawng turin mipuite Organising Committee chuan a sawm a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Jeremy Lalrinnunga hmuah dan tur rel hian vawiin khan Sports Department Office-ah Sport Minister Robert Romawia Royte chairman na hnuaiah Organising Committee chu an thukhawm a. Pu Joseph H.Lalramsanga, Director, Sports & Youth Affairs chuan meeting hi a kahrua.
Meeting in e rel angin - Lengpuia Airport a Jeremy Lalrinnunga puala lawmna inkhawm hi Dar 2:25 atangin neih a ni dawn a. Lawmna inkhawm zawh chiah hian Press Meet dar 2:40 – 2:50 ah neih a ni dawn a. Organising Committee chuan he hun bik hi buaipui turin Information & Public Relations Department leh Mizoram Journalists’ Association(MJA), General Headquarters te a sawm a ni.
Chawhnu dar 3:00 atangin Lengpui Airport atanga Aizawl rawn pan pui a ni dawn a. Aizawl Khawpui chhung fan kual pui a ni dawn a ni. A hnuaia tarlan ang hian Aizawl khawpui fan kual pui a ni ang.
Route: Hunthar – Bawngkawn – Ramhlun – Zarkawt – Treasury Square – Sikulpuikawn – Khatla – Temple Square – Ainawn Veng. Organising Committee chuan he mi chhunga khawpuia lirtheia veivak te hriatthiamna a ngen nghal bawk a ni.
Jeremy Lalrinnunga pual hian a chenna veng Ainawn Veng chuan programme a lo siam dawn bawk a ni.
Post a Comment
He post chungchanga i ngaihdan lo sawi ve rawh: