Ticker

10/recent/ticker-posts

CWG 2022 Bronze medalist Lalremsiami lo haw; "keini pawhin kan theih chuan, Mizo ṭhalai tam tak hian an ti ve thei" - Lalremsiami Hmar

Aizawl | August 16, 2022: Commonwealth Games 2022 neih zawh taka India Hockey hneichhe teama khel Lalremsiami chu vawiin khan Lengpui airport ah lo hmuah a ni a. Lawmna inkhawm tawi buatsaih a nih zawhin an khua Kolasib lam a pan nghal.

Lalremsiami chuan thu sawiin, "keini pawhin kan theih chuan, Mizo ṭhalai tam tak hian an ti ve thei a ni tih hi chiang takin ka hria," a ti a. "ka thalaipuite in ti ve thei a ni," tiin,  "He medal hi ka ta a ni lova, Mizo mipuite ta a ni!" tiin amah duhsaka ṭawngṭaisak ṭhintu Mizo mipuite tan a hlan a. Thenzawl SAI hostela a awm laia a coach te - Lalroṭhuami (Btei) leh Lalrampari te chungah lawmthu a sawi bawk.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Lalremsiami Hmar chuan, "tun hi a tawpna a ni lova, a bul ṭannna chauh a ni!" tiin inelna sang zawkah theihtawp chhuah zel a tum thu a sawi.

Hockey Mizoram President Zothankimi chuan, "Hockey Mizoram chuan kan lawm takzet a. CWG ahnhian a inkhelh thiam zia a lang chiangin kan hria a. India tan player pawimawh tak a nih zia a tilang chiang a. Hockey Mizoram chuan kan chhuang tak meuh meuh a ni." a ti.


He hunah hian Sports & Youth Affairs Board Vice Chairman Pu TC Pachhunga chuan Lalremsiami hlawhtlinna a chhuanawm tih sawiin a hlawhtlinna phena thil pawimawh tak tak a tawrhchhelna, tumruhna, huaisenna, mahni invawntheihna leh Pathian a tihna chu thangtharte leh infiammite chotu, phurna petu ni ngei se, a nuna entawntlak awmte hi inzirnan hmang se a duh thu a sawi a. Mizoramin Commonwealth Games-ah India aiawh turin infiammi pahnih Lalremsiami leh Jeremy Lalrinnunga te India ram aiawh turin kan tir chhuak a, hlawhtlinna changin medal an rawn hawn ve ve a, za ah za (100%) in hlawhtlinna kan chang a, khawvel pum huap infiamnaah Mizo thalai infiammite hlawhtlinna ropui taka chang an pun belh zel kan beisei tlat a ni, a ti a. Mizoram sawrkarin rei rial lovin anni pahnih lawmpuina leh chawimawina hun a buatsaih thuai dawn tih a sawi bawk.


India tana Hockey hmeichhe senior teama khel tawh Lalroṭhuami (Btei), Lalhlunmawii, Rosalind Lalchhanhimi Ralte, Lalremruati (International Referee), Ramngaihzuali, H Lalruatfeli leh Lalremsiami Hmar te an ni.

Pi Siammawii, India leh Sri Lanka inkhelhin India ai a lo awh tawh a, ani hi a khelh kum hriat chian a ni rih lo mahse, Mizo hmeichhe zinga India aiawh hmasa ber nia hriat a ni.

Thawnthu hlui:
Kan hriat theuh angin, FIH Series khela Japan rama an zin laiin Lalremsiami pa Lalthansanga Zote chu June 21, 2019 zirtawpni khan a boral a. Mahse, FIH Series khelh lai a ni si a, Lalremsiami telna India Hockey team chuan Japan nen Hiroshima khawpuiah Final an khelh dawn vangin haw thei a ni lo. Ni e, duh nise, a haw thei. mahse, he fanu rangkachak hian 'Pasaltha ram chhuak sa hawn lova haw a tum lo". A pa ruang uma haw ai chuan a hmaa inkhelh pawimawh tak mai chu a thiante zinga khelh a, a inkhelh chu a pa tana hlan a thlang ta zawk a ni.

A pa boral thu a hriat tirh chuan a tah nasat thu leh ina haw mai te a duh rum rum thu a sawi a. Mahse, a inngaihtuah chiang a, thutlukna a siam ta niin a sawi. 

A thlang sual lo!
Lalremsiami'n a pa tana ropui taka khelh a thlang kha a thlang sual lo. India in semi final ah Chile 4-2 an hneh a, Final-ah Japan chu 3-1 in a hneh a, kha mi kuma FIH Olympic Qualifiers 2019 atan India chu a qualify put a ni.

Ram leh hnam thlangtu a ramin a chhuang!
Ram leh hnam tana thawkchhuak a nih zia hrechianga a thutlukna siam chuan khang hunlaia Union Sports minister Kiren Rijiju beng athleng a, a chhuan zia tweeter-ah post a siam hial a ni. 

 “Indian women hockey player Lalremsiami’s father expired when India was to play a crucial semifinal at Hiroshima that would determine if India’s Olympics dream would be alive. She told coach, ‘I want to make my father proud. I want to stay, play and make sure India qualifies”.
“I salute Lalremsiami and Congratulations to Indian Women Hockey Team,” 





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel 










































































(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Post i hmuh dan

Post a Comment

0 Comments