Aizawl | August 20, 2022: CM Zoramthanga chuan Daktawr laka a fanu Milari Chhangte chet danah daktawr leh mipui ngaihdam a dil.
Ngaihdam dilna hi Instagramah post in, "thiam thu sawi tur reng reng kan nei lo va. Kan dik lo hul hual a ni tiin a daktawr leh mipuite lakah ngaihdam kan dil a ni." a ti.
"Indian Medical Association (IMA) Mizoram State Branch in he thil diklo hi tun hnuah a thlen tawh loh nan ţha an tih lohna tarlan nan “Badge dum bel” an tih pawh hi an tihtur dik tak an ti niin kan hria," a ti bawk.
Kan fanu Milari Chhangte-in daktawr laka mawi lo taka a chet thuah keini a chhungte leh a nu leh pa chuan thiam thu sawi tur reng reng kan nei lo va. Kan dik lo hul hual a ni tiin a daktawr leh mipuite lakah ngaihdam kan dil a ni.
A daktawrte lakah pawh hian a ţum thumna atan kan nupa-in 17-8-2022 (nilaini) zan khan kalin ngaihdam kan va dil leh a. Daktawr leh a chhungte pawh kan tana zahthlak khawpa ţha leh min hre thiamin min lo chhawn a. An puitling kan tiin an fakawm kan ti takzet a ni.
Tin, Indian Medical Association (IMA) Mizoram State Branch in he thil diklo hi tun hnuah a thlen tawh loh nan ţha an tih lohna tarlan nan “Badge dum bel” an tih pawh hi an tihtur dik tak an ti niin kan hria a. Hei aia nâ pawhin hma la mahse thil awm zawk tak a ni. Amaherawhchu puitling leh pa chan chang takin heti chauh hian hma an la a, zahawm kan tiin kan fak a, an chungah ngaihdam kan dil mawlh mawlh a. Tun hnuah hetiang thil hi a thlen tawh loh nan kan theih tawpin hma lak kan tum a ni tih kan han sawi duh bawk a ni e.
- Zoramthanga te nupa
CM Bungalow.
Post a Comment
He post chungchanga i ngaihdan lo sawi ve rawh: