BJP MIZORAM IN CYBER CRIME AH FIR THEHLUT; INDIA CONSTITUTION THAR A AWM LO ANG!

"India Constitution thar pawn lam aṭanga lo Draft ngawt theih a ni lo" - BJP Mizoram

Aizawl | August 16, 2022: Tunhnai phailam Media ṭhenkhata India Constitution thar buatsaih leh India ram Capital New Delhi pawh Varanasi (UP)-a sawn tur angin thuziak hmuh tur a awm a. Mizoramah mi ṭhenkhatin BJP beihna hmanrua ah sawilut in, BJP in Constitution thar an buatsaih, BJP in Hindu a min inleh tir vek an tum, tiin mipui tihṭhaih nan thu an vawrhdarh mek a, he thil hi BJP Mizoram Pradesh chuan pawi an tih thu thuchhuah siamin an tarlang.

Hemi chungchangah hian BJP Mizoram Pradesh chuan vawiin chawhnu Dar 2:30 (pm) khan 'CYBER CRIME POLICE STATION, CID CRIME MIZORAM' ah FIR thehlut in, tunlaia Social Media a thudik lo thehdarhtu leh diklo taka mipui bum tute man chhuak ngei turin Cyber Crime ah hian FIR thehluh a ni.


He Times of India Article thuziak leh thu bul bal neitute niawma sawi hi Central BJP leh Central sawrkar nen inzawmna a nei lo a, BJP hming ziahlan a awm lo bawk a ni. Tunlaia Central sawrkar leh Central BJP in Independence kum 75-na denchhena thupui a neih zawk chu “India is diversity – Hnam leh Sakhaw hrang hrang awmkhawm kan ni tih hi kan nihphung leh khawvel min pawm dan a ni a. India chhungah hnam tenau ṭawng zawng zawng pawh inhriat pawh tura mitinte inzir leh ṭan lak a ngai" tih a ni. 

Kum 1946-50 bawra India Constitution Drafting Committee B.R. Ambedkar, BN Rau leh Member 20 zet tih loh kha chu, India Independence kum 75-na chhung hian India Constitution thar siam turin Drafting Committee din a la awm ngai lova, Parliament emaw President of India-in hetiang Committee hi an la siam leh lo a ni.

Chuvangin Hindu, Muslim, Buddhist, Christian leh sakhaw dang te'n, Pawl chhung aṭanga India Constitution hi lo siam thar tur a ni lo va, BJP Mizoram Pradesh chuan kan Kristianna chungchanga kan mithiam te'n Mizo mipuite min sawiṭhaih fo te, kan rinna ti nep zawnga Sakhaw danga inlet mai tur anga min zirtir fo te hi a pawi kan ti a, Kohhran mite thlarau chawm zawnga thusawi thei lo te'n rinna kawnga hniam zawkte ti thlabar zawnga hma la fo lo turin BJP chuan an ngen.

BJP chuan, ""India Constitution thar pawn lam aṭanga lo Draft ngawt theih a ni lo" an ti.


BJP Mizoram Pradesh chuan vawiin chawhnu Dar 2:30 (pm) khan 'CYBER CRIME POLICE STATION, CID CRIME MIZORAM' ah FIR thehlut in, tunlaia Social Media a thudik lo thehdarhtu leh diklo taka mipui bum tute man chhuak ngei turin Cyber Crime ah hian FIR thehluh a ni.

1 Comments

He post chungchanga i ngaihdan lo sawi ve rawh:

  1. Times of India a ziaktu zawk ah FIR an thehlut dawn emaw ka tia. Ka chhiar sual a ni maw

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post