Pension rawih nawn tumna order hal dawn!

Aizawl | July 31, 2022: MZP chuan naktuk chhun dar 12 hian sawrkar hnaa pension tawh rawwh nawn tumna order an hal dawn.

MZP General Headquarters, Aizawl Executive Meeting-in a lo rel tawh Co-operation Department hnuaia thawktu pension rawih nawn  chungchanga hmalakna kal zelah, sawrkarin pension rawih nawn (Re-employ) a tumna order a cancel tâk loh avangin naktuk Thawhṭanni (01.08.2022) chhun dar 12:00 hian Vanapa Hall kawtah pension rawih nawnna appointment order chu hâl a ni dawn.

Hemi chungchangah hian MZP chuan thuchhuah lo siam tawhin, Pension tawh rawih nawn tumna order hi cancel turin Mizoram sorkar an ngen a, a hnuk kir lo a nih chuan, hmalakna hmasa atan  August ni 1, 2022 (Thawhtanni) chhun dar 12:00-ah pension rawih nawnna order hi hal ni se an ti a.  An hmalakna hian awmzia a nei lo a nih chuan a tul angin rel zui leh nghal an tum a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

MZP General Headquarters in Cooperation Department hnuaia pension rawih nawn tha a tih loh chungchangah Mizoram State Cooperative Service Association (MSCSA) hruaituten MZP hruaitute hnenah pension rawih nawn chungchang ngaihtuah nawn leh tura an ngenna angin zirtawpni tlai dar 3:00 khan MZP General Headquarters, OB & Advisers Meeting an nei.

Meeting chuan tunhnaia Mizoram sorkarin Cooperation Department hnuaia hnathawk Addl. Registrar Cooperative Societies pension tawh rawih nawn leh a tum chungchangah mimal induhsakna leh mi bik nihna awm lo a nih avangin pension rawih nawn chungchanga Executive Meeting hmasain a lo rel tawh angin dodal tlang ni se, tiin a rel.

Pension tawh rawih nawn tumna order hi cancel turin Mizoram sorkar an ngen nghal a, a hnuk kir lo a nih chuan, hmalakna hmasa atan  August ni 1, 2022 (Thawhtanni) chhun dar 12:00-ah pension rawih nawnna order hi hal ni se an ti a.  An hmalakna hian awmzia a nei lo a nih chuan a tul angin rel zui leh nghal an tum.

MZP chuan Ni 25 May, 2022 khan Chief Minister hnenah pension tawh ruai nawn lo tura ngenna ziakin an lo thlen tawh a. Hemi rual hian Cooperation Department changtu minister hnenah thlen nghal a ni a. July ni 25, 2022 (Thawhtanni) khan Cooperation Department changtu Minister hi MZP hruaituten a office-ah lengin pension tawh ruai nawn lo hram turin an ngen nawn leh tawh a n.