PAWISA CHU I HMANG ṬHIN A; I TA ERAWH A NI LO

 Sum enkawl dan

PAWISA CHU I HMANG ṬHIN A; I TA ERAWH A NI LO

— Rick Warren 

— July 6, 2022

“Mi, ram danga kal dawn a, ama bawite kova, a sumte an hnena kawltir ang chu a ni si a. Bawi pakhat hnenah talent nga a pe a, bawi dang hnenah talent hnih a pe a, bawi dang hnenah talent khat a pe a; an tih theih tawk tur ang zel theuhvin a pe a; tichuan a kal ta a.” Matthaia 25:14-15

Isuan Matthaia 25:14-15 ah heti hian a sawi, "Mi, ram danga kal dawn a, ama bawite kova, a sumte an hnena kawltir ang chu a ni si a. Bawi pakhat hnenah talent nga a pe a, bawi dang hnenah talent hnih a pe a, bawi dang hnenah talent khat a pe a; an tih theih tawk tur ang zel theuhvin a pe a; tichuan a kal ta a."

He mi hausa hian rei tak zin tura a inbuatsaih khan, bank ah pawisa a dah lova, a bawite hnenah a dah zawk a ni. A lo kir hun chuan, pawisa an peipun dan chu a zawt ṭheuh a.

Mi hausa chuan enkawltu rinawm a zawng a ni. Enkawltu kan tih mai 'stewardship' hi “manager” tih pawhin a sawi theih a. I stewardship— enkawlna— chu sum paia zalenna i neihna bul a ni. Sum leh paia zalenna i neih theih dan pakhatnaah chuan thil neih dan hi a ni: I thil neih engkim chu Pathian ta a ni a. Nang chu a enkawltu mai i ni!

I hun enkawltu atana koh i ni a. Midang, i ṭhuihruaite enkawltua koh i ni. I hriselna chungchang, inlaichinna, remchannate enkawltua koh i ni. Pathian chuan i thil neih engkim enkawl turin a ruat che a ni.

Heti hian i ti mai thei, “Min lo ngaithla lawk teh! Sum ka neih theih nan hna ka thawk a, mahse tunah erawh chuan ka ta an ni lo tih min hrilh i tum leh si maw?” Khawi aṭangin nge hnathawhna tur taksa neia i inhriat? Khawi aṭangin nge hnathawhna tur rilru neia i inhriat? Khawi aṭangin nge i hnathawhna tur thahrui neia i inhriat? Khawi aṭangin nge i hnathawhna tur finna neia i inhriat? I thil neih zawng zawng hi Pathian aṭanga i dawn a ni.

Nangmah hian engmah hi i nei tak tak lo; i puk vek a ni zawk. Pathian pawisa chu khawvela i awm chhung hian i hmang mai a ni. Pathianin kum engemaw ti chhung atan a puktir che a ni. I hma a mi tuemaw kha a puktir tawh a, i thih hnuah pawh mi tuemaw hnenah a puktir leh dawn a ni. I ta a ni lo va; a neitu ta vek a ni zawk. A hman dan i thiam a ngai zawk a ni. 

Thil neih dan chu zawm loh i nei em le? Pawisa chu i ta emaw i tih hian, i lungngai ta ṭhin a ni. Hrehawm i ti ṭhina, i nihna lo tawp tur thawpikna i nei bawk.

Pawisa enkawl hi thlarau lam thil a ni a. Pathianin a pawisa i hman danah vanramah pawh thlarau lam eng thilah nge rinrawlah a neih dawn che tiin a enthla che a ni. Hei hi phurritah ila maithei e, mahse thil neih dan kan zir aṭang hian zalenna a awm tlat a ni.

Pathian chu a neitu a ni a, nang erawh chu enkawltu nia i inhriatchhuah chang chuan, i mangang nep ang a, Pathian sum i enkawl danah i rilru i pe thei ang.

Ngaihtuah zui atan

* Sumdawnna enkawltu ni ta la, a neitu ang maiin hlawhtlin duhin i bei ang em? A neitu hlawhtlinna ang thovin hlawhtlinna chan i duh ang em? I duh emaw duh lohna chhan engvang nge?

* Thlarau lam inenkawlna angin sum enkawlna hi engtin nge i zir ang?

* Sum hman chungchangah ṭawngṭai hi engnge a pawimawhna? Sum enkawlna kawngah ṭawngṭai hi engvangin nge a pawimawh?

[Lettu: Sangpuia]