MZP Hqrs. Champhai-in NIOS zirlaite thlavang hauhin FIR thehlut

Aizawl | July 26, 2022: MZP Hqrs. Champhai chuan Champhai Zokhawpui Higher Secondary School-a National Institute of Open School zirlaiten harsatna an tawh thu an thlen bawhzuiin nimin khan Champhai Police Station-ah FIR an thehlut.

 

MZP Hqrs. Chamhai chuan 2019 atanga buai awm tawh nia sawiin, "vawiin hian Police station ah FIR kan thehlut a, Zirlaiten an dikna chanvo an hmuh hi kan duh ber a ni." an ti bawk.

 

NIOS Zokhawpui HSS ah hian zrlai 70 velin buaina an tawk niin thu dawn a ni.

 

Thudawnnain a tarlan danin, MZP Hqrs. Champhai chuan, NIOS Zokhawpui Higher Secondary School-a Zirlaite'n exam fee an chawi vek tawh hnuah an exam thei lo niin an sawi a, Enrollment No. leh Reference No. school atanga pek chhuahte chu mi dang hminga awmsa vek a ni a, an zirlai naupangte hming nen a inang lo niin an sawi.

School-in Marksheet an pek chhuah pawh a lem vek nia an hriat thu an sawi bawk. Heng zirlaite harsatna leh buainaa inrawlh zawng zawngte chhui chhuak a, dan anga hmala turin Champahi Police chu an ngen a, tiam chin awm lova an school khar sak nghal turin an ngen bawk.