Ticker

10/recent/ticker-posts

Mamit-ah Excise & Narcotics department-in ruihhlo man

Aizawl | July 29, 2022: Mamit Excise & Narcotics department chuan nimin khan Herion (No.4) kg 2.08, (hawng 156), Ganja kg 35.8 leh rakzu eng emaw zat an man.

 Mamit Excise & Narcotics department chuan zan rei hnuah state dang lirthei vei vak a tam thin tih hriain nilaini zan khan Dapchhuah khuaah an duty a, lirthei lo tlan te chu uluk takin an lo check a. Tripura leh Assam lam atanga lo kal leh heng state-a lut turte an en uluk zual a. Nimin khawvar tirh khan Tripura lirthei, Champhai lam atanga lo kal atangin Heroin leh a neitu nia rinhleh mi 5 an man a ni.

 Mamit Excise & Narcotics department te Heroin man hi International market rate chuan Cheng vaibelchhe khat leh nuai 17 man a ni a. Mizorama vawi khata Heroin man hnem ber a la ni.

 Mamit Excise & Narcotics department hian Aizawl leh Agartala inkara tlan Maxi Cab, Tripura atanga lo chho atangin Ganja Kg 35.8 leh zu engemawzat an man bawk a. A rawn phurtu sumo leh heng ruihhlo neitu nia rinhlelh mi 4 an man nghal a. Heng ruihhlote hi tualchhunga hralhna rate ang chuan Cheng Nuai 1 Sing 6 man vel a ni.
 Heng ruihhlo neitu nia rinhlelhte hi NDPS Act 1985 hnuaiah thubuai siamsak an ni.
 
- AIR News Aizawl

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Post i hmuh dan

Post a Comment

0 Comments