Lok Sabha-ah National Anti-Doping Bill,2021 pass

Aizawl | July 28, 2022: Lok Sabha chuan nimin khan National Anti-Doping Bill,2021 a pass. He bill-a tarlan anih danin ramchhungah National Anti-Doping Agency NADA din a ni ang a, hei hian infiamna lamah damdawi hman phalloh hman chungchangah thuneihna an nei dawn a. Infiammiten damdawi hman phalloh an hman theihna lakah a ven bakah lo hmang manchhuahte chu na taka hremna tur chi hrang hrang tarlan tel a ni bawk.

Union Sports Minister Anurag Thakura chuan bill chungchang sawifiahin infiammite tana duan leh an dikna chanvo humsakna tur a ni a ti a. Ramchhungah infiamna chuan nasa takin hma a sawn thu sawiin NADA chu thuneihna sang tak pek a ni ang a ti a, World Anti-Doping Agency leh UNESCO International Convention dan zam milin a kal dawn a ni a ti bawk.

- AIR News Aizawl

Post a Comment

He post chungchanga i ngaihdan lo sawi ve rawh:

Previous Post Next Post