Aizawl | July 28, 2022: Tunlai ruihhlo hluar mek do na kawngah Mizoram Social Defence & Rehabilitation Board (SLCA), Social Welfare & Tribal Affairs Department, Government of Mizoram leh National Institute of Social Defence, Ministry of Social justice & Empowerment, Government of India tangkawp chuan Aizawl chhung College hrang hrang naupang te zingah ruihhlo leh a kaihhnawih chungchangah zirtirna te neiin hma a la reng a. Vawiin ni 28th July, 2022 ah pawh hian Helen Lowry College naupangte zingah hun an hmang a ni. Programme hi chawhnu dar 1:00 pm ah tan niin, college naupang 150 vel leh zirtirtu te an tel bawk a ni.
Zirlai naupang te hnen ah ruihhlo chungchang zirtirna an pek mai bakah, ruihhlo chungchang ah quiz competition te buatsaih ani a, zirlai naupang te pawhin he hun hi an hlut hle a ni.
He programme ah hian ruihhlo chungchanga kan ram dinhmun leh ruihhlo kan lo hmelhriat tawh dan te zirlai naupang te hnenah powerpoint presentation hmangin entir an ni a. Zirlai naupang te hnenah hian ruihhlo hmansual hrang hrang te leh a thenhrang dan (classification) chungchang te zirtir anni bawk, tin engtiangin nge miin ruihhlo ngawl anlo vei (addiction) chungchang te leh addiction hi thluak natna anih dan chungchang te zirtir an ni bawk a ni.
Zirlai naupang te hnenah hian ruihhlo tih pawizia leh a nghawng thalo te zirtir niin ruihhlo ti chin ve lo turin intiamna neihtir anni bawk a ni.
- DIPR
Post a Comment
He post chungchanga i ngaihdan lo sawi ve rawh: