Aizawl | July 20, 2022: Nimin khan rel hmanga tuialthei phurh luh dah khawlna, Oil Depot bunna tur hmun atan a ruahman Bairabi ami chu Food, Civil Supplies & Consumer Affairs Department hotute leh Indian Oil Coorporation Ltd. a thawktuten a hmun ah kalin an endik.
FCS & CA Secretary Ramdinliani, Director Dr. H. Andrew Vanlaldika leh Joint Director V Laldinsang -te he hunah hian telin IOCL Land Selection Committee aiawhin Pu Joydeep Dey, DGM (Operations) Indian Oil AOD, State Office, Pu Guneswar Ronghang, DGM (Engineering) Indian Oil AOD, State Office, Pu Dipdyuti Chowdhury, DGM (Security) Indian Oil AOD, State Office, Pu Bimalendu Sahay, CM (HSE), Zonal Office, Digboi an tel bawk a ni.
Tuialthei dah khawlna tur changtlung zawk siam a nih theih nan Mizoram Sawrkar chuan hun engemaw chen ata tawh Oil Depot bunna tur hmun a lo thlithlai tawh a. Hemi hmalakna kal zel ah IOCL-ten Oil Depot bunna tur atan a an ram mamawh zat, 30-35 acre chu Bairabi leh Sihhmuiahte en a lo ni tawh bawk a ni.
Nimin a FCS & CA Department leh IOCL hotuten Bairabia ram an endiknaah hian NF Railways-a thawktute pawh telin, Oil Depot changtlung zawk bun a nih theih nana ruahman ngai hrang hrangte an sawi ho a. Sihhmui ramte pawh an endik chhunzawm leh dawn a ni.
- DIPR
Post a Comment
He post chungchanga i ngaihdan lo sawi ve rawh: