Central YLA in Independence Day Boybott tum!?

August 10 thleng sawrkar hun an pe!

Aizawl | Jul 28, 2022: Central Young Lai Association (CYLA) chuan, Lawngtlai District Hospi­tal-ah doctor (gynae­cologist) dah turin Mizoram sorkar an ngen a, August 10, 2022 thlenga dah a la nih loh chuan an thiam ang anga hmalak zui an tum thu leh Independence Day boycott an tum thu an puang.
 
(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
 


Lawngtlai District Hospital-ah thawktu an indaih loh avangin doctor dah belh phûtin CYLA chuan May 25-28, 2022 chhung khan picketing an huaihawt a; picketing an huaihawt chhan ber leh sorkar laka an beisei zawng zawng tihhlawhtlin a ni lo chungin May 26 & 27-a sorkar thuchhuak angin doctor pathum - gynae­cologist, pedia­trician leh ENT specialist-te dah an nih avangin picke­ting chu an titawp a ni.

Doctor dahna thupek a chhuah aṭanga thla hnihah pawh Lawngtlai district-in an mamawh ber pakhat gynaecologist a la awm loh thu sawiin CYLA chuan, 'Kan mamawh ber pakhat gynaecologist a awm ngei theihna tur hian hmalak chhunzawm ni se,' tia an rêl thu an tarlang a; "Thu mai ni lo, a tak ngeia gynaecologist an awm theihna tura hma min laksak turin Mizoram sorkar kan ngen nawn a, August 10, 2022 thleng kan ngaichâng dawn a ni," an ti.

CYLA chuan, "Kan harsatna leh mangannate chinfel a nih loh chuan CYLA chuan District Hospital, Lawngtlaia gynaecologist an awm ngei theihna turin August 11, 2022 aṭangin kan thiam dan danin hma kan la dawn a, Independence Day boycott thlengin hmalak tum a ni," an ti a; nawr zui chiam a ngaih loh nan gynaecologist dah turin sorkar an ngen a ni.

Central YLA chuan, Mizorama district 11 zingah Lawngtlai district chu Aizawl district dawta mihring tamna ber a ni a, mahse, hriselna lama district hnufual ber, nausen thi leh sikserh vei tam berna district a nih thu an tarlang bawk.


- MSR

Post a Comment

He post chungchanga i ngaihdan lo sawi ve rawh:

Previous Post Next Post