Sialsuk PHC dam lo enkawl lai hnawtchhuaktua puh Dr Linda Lalbiaknungi suspend!

Aizawl | June 2, 2022: Sialsuk Primary Health Centre-a a damlo enkawl lai damdawi in atanga a hnawtchhuaktua puh Dr. Linda Lalbiaknungi chu a hna atanga chawlh lailawk tir a ni.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Dr. Linda Lalbiaknungi a hna atanga Suspend a nih thu hriattirna hi vawiin khan Health Secretary, Pu R. Lalramnghaka'n a tichhuak a. Hriattirna a tichhuah-ah Health Secretary chuan, Dr. Linda Lalbiaknungi puhna chungchang hi chik taka ngaihtuah mek a ni a. A chungchang thu ngaihtuah a nih chhung chu a hna atanga lo chawl lailawk tura tih niin, Suspend a nih chhung hian Aizawlah a awm rih ang a, Health Secretary remtihna la hmasa lo chuan Aizawl a chhuahsan tur a ni lo tih tarlan a ni.

Tunhnaia social media a lo lang, Sialsuk PHC-a thawk Dr Lalbiaknungi thil tih dik loh ni a lang avanga he damdawi ina damlo enkawl lai Pu Lalrengpuia damdawi in atanga hnawh chhuah a ni leh a hnu lawka a boral zui chungchang chhui chiang turin Health & Family Welfare Department chuan nimin khan Aibawk BDO Pu Chinlianmanga, MCS a ruat.
 
 
Nimina Health & Family Welfare Department thuchhuah in a tarlan dan chuan Pu Chinlianmanga hi Secretary, Health & Family Welfare Department hnenah June ni 10, 2022 ral hma in report thehlut tura tih a ni.
 
DIPR



Post a Comment

0 Comments