National Arm Wrestling - Champion of Champion Denic Lalruattluanga ropui takin hmuak!

Aizawl | June 6, 2022: 44th National Arm Wrestling Championship 2022 Champion of Champion ITI Veng Tlangval Denic Lalruattluanga hmuahna leh Lawmpuina chu June ni 6, 2022 (Thawhtanni) khan ITI kawn ah Games & Sports Association ITI Veng chuan an nei a, GSA hruaitu te leh Vengchhung mipui hmuaktu an kal thahnem hle.


[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

He hun hi PC Lalrintluanga, Vice President chuan kaihruaiin Pu Lalropuia, President GSA chuan lawmpuina pawisa fai leh thuziak a hlan bakah pawl hrang hrang thilpek an pe hlawm bawk. Tin, Ward XIVIII Councilor Malsawmzuala Ralte leh D3 Enterprise neitu pa Dr Lalmalsawma (Nghaka) ten lawmpuina thilpek an pe bawk.


Champion of Champion Denie Lalruattluanga chuan thusawiiin India rampumpui state 25 inelnaah antel thu sawiin cCategories hrang hrang champion zawng zawng te a hneh vek hnuah COC anih theih chauh thu a sawi bawk. Asia leh World-ah champion ni tura thawhrim zawk a tum thu sawiin nitin darkar 6 chawllo a exercise alak thin chu darkar 10-ah tal exercise lak a tum thu a sawi bawk. 

Local Council Chairman Lalsangpuia chuan thusawiin Lalruattluanga hmuahna leh lawmpuina hun hmang thei tura ITI GSA hmalaknaah lawm thu a sawi a, Vengchhungah pawh mihriat hlawh ahar em em lai a, National Champion of Champion ni tura a thawhrimna ropui atih zia sawiin Veng neitu ITI te tan inchhuanna tham anih zia sawi bawk. 

Lalruattluanga Medal lak te: 
Lalruattluanga hian Kum 2015 khan B Lalthangdika Memorial-ah hian Champion of Champion niin State-ah Champion of Champion a ni zui bawk. 

2017-ah National-ah Junior-ah Gold a la a, Senior-ah Gold bawk la in, Junior pumpuiah Champion of Champion a ni bawk. 

2018-ah Inter Branch YMA ah Champion in National-ah 75kg ah Gold a la bawk.

2019-ah B Lalthangliana Memorial Tournament-ah leh RC Khuma VIP Tailor Tournament-ah a Champion a, National-ah 80kg aj vanduaithlak takin Bronze a la thung. 

2020-ah Kapthanmawia Memorial Tournament-ah a champion a, 2021-ah RC Khuma VIP Tailor Tournament-ah a champion zui bawk. 

2022-ah State-ah Champion of Champion-in National-ah 80kg ah Gold ala zui a, National Senior-ah Champion of Champion a ni bawk















Post a Comment

0 Comments